Новости Казкенес

Таза Қазақстан": Тазалық – ішкі мәдениеттен басталады

Жамбыл облыстық Қоғамдық кеңесінің мүшелері “Таза Қазақстан” жалпыұлттық бастамасы аясында “Қоғамдық экобақылау” акциясы 2-ші онкүндігінің іс-шараларын а.ж. 18-19 маусым күндері Сарысу, Талас аудандарында жүргізді.

2024 жылы Сарысу ауданының орталығы Жаңатас қаласының орталық алаңы құны 167 млн. теңгені құрайтын жоба аясында абаттандырылып, субұрқақ орнатылған мәдени-демалыс көпшілік орнына айналған. Жастарға арналған “Махаббат аллеясы” 69 млн. теңгеге салынып, аллея орналасқан көше бойы абаттандырылған. Балалар саябағын жаңғыртуға 110 млн. теңге жұмсалса, ал көпқабатты үйлерді абаттандыруға 52 млн. теңге, балалар ойын алаңшасын орнатуға 24 млн. теңге қаражат бөлініп, жұмыстар сапалы орындалған.

Экобақылау тобының мүшелері Д.Бықыбаев, А.Төлебаев, П.Оспанов абаттандыру, жасыл желектерді суару, күтім жасау, стихиялық қоқысқа бөлінген арнайы орындардың аудан әкімдігі тарапынан үнемі бақылауда екенін атап өтті.

Талас ауданында “Таза Қазақстан” акциясы аясында санитарлық тазалық жұмыстарын жүргізуге 14,8 млн. теңге қаражат бөлініп, бей-берекет түзілген қоқыстарды, құрылыс қалдықтарын шығарумен “Игілік” көпсалалы кәсіпорны айналысады.

 Қатты тұрмыстық қоқыстарды шығаруға арналған қоқыс алаңшаларында 4,6 млн. теңгеге қоқыс жәшіктері орнатылған.

Акция аясында жасыл желектерді суаруға қосымша 2 су сорғы қондырғысы орнатылып, 1,6 млн. теңгеге 10600 түп қара ағаш, 3,8 млн. теңгеге 225 дана аққайың, туя, можжевельник ағаштары және гүлдер отырғызылған.

 Аудан орталығы Қаратау қаласында орналасқан саябақтар мен аллеяларды күтіп ұстау мақсатында 13,1 млн. теңге, ал көгалдандыру жұмыстарын жүргізуге бөлінген 15,2 млн. теңгеге 5 ұңғыма қаздырылған.

 Ауданның “Жасыл белдеу” аумағында 10,0 мың ағаш, сонымен қатар “TazaLike”, “Әр ауылдық округке 2000 тал егу” іс-шаралары өткізіліп, жалпы 39,0 мыңға жуық көшеттер отырғызылған.

 Қоғамдық экобақылау барысы көрсеткендей, Сарысу, Талас аудандары әкімдіктері және ауыл тұрғындары тарапынан “Таза Қазақстан” бастамасы үлкен қозғалысқа айналып, қоршаған ортаның тазалығын сақтау әр адамның ішкі мәдениетінің көрсеткіші екендігін айқындайды.

Фото