ЖАМБЫЛ ОБЛЫСЫ ЭКОЛОГИЯЛЫҚ ТАЗА АЙМАҚҚА АЙНАЛАДЫ

“Таза Қазақстан” экологиялық бастамасы аясында Қоғамдық экобақылау акциясына аудандық Қоғамдық кеңес мүшелері белсене қатысуда.

Сарысу аудандық Қоғамдық кеңесінің мүшелері Саудакент ауылының көшелеріне, демалыс саябақтарына экобақылау жүргізіп, абаттандыру, көгалдандыру, жасыл желектерді суару және күтім жасау, қоқыс орындарын жинау, тасымалдау жұмыстарын зерделеді.

2023 жылы салынған М. Бүркітбаев ауылындағы “Жасыл белдеу”, “Ардагерлер саябағы”, Үшбас ауылындағы Ордабек ата саябағы бойынша экобақылау жасыл желектерді күту, суару жұмыстары үнемі жүргізіліп, қоқыс алаңдарын уақытылы жинау, аталған аумақтардың санитарлық-тазалық жағдайы талаптарға сай екендігін көрсетті.

Талас аудандық Қоғамдық кеңесінің мүшелері мен Қаратау қаласы әкімдігінің қызметкерлері 27 маусым күні Тамды әулие бұлағына арнайы барып, санитарлық-тазалық жұмыстарына белсене атсалысты.

Тамды — табиғаты көркем, тарихи және рухани мәнге ие мекен. Аңызға толы бұл жердің әрбір тамшы суы – халық жадындағы шежіренің бір бөлшегі. Сенбілік барысында қатысушылар бұлақ маңын тұрмыстық қалдықтардан, қоқыстардан тазартып, қоршаған ортаның тазалығын сақтауға үлес қосты.

Киелі мекендеріміздің тазалығы – рухани мәдениетіміздің айнасы.

Қоғамдық кеңес мүшелері тұрғындарға табиғатқа қамқорлық жасаудың және тарихи-мәдени нысандарды қорғаудың маңыздылығын айтып, мемлекеттік қызметшілерді, өңір жұртшылығын алдағы уақытта акцияны сапалы өткізуге, аудандарды таза экологиялық аймақтарға айналдыруға шақырды.

Фото

Previous Next