Тараз қалалық Қоғамдық кеңесте қалалық жер қатынастары бөлімінің қызметі сараланды. Кемшіліктер кеңінен қозғалды.

Тараз қалалық Қоғамдық кеңестің Төралқасы мен
комиссияларының бірлескен отырысы өтті.

Онда, қалалық әкімдіктің жер қатынастары бөлімі 2024 жыл мен ағымдағы жылдың 5 айында көрсеткен мемлекеттік қызметтерінің сапасы бойынша бөлім басшысы Н.Б.Бекежановтың есебі тыңдалды.

Көпшіліктің көкейінде жүрген:

- жеке тұрғын үй құрылысы үшін жер теліміне кезектің ондаған жылдарға созылуы;

- жеке сектор тұрғындарының шарбақтарының алдын көгеріштендіру мақсатына алып, оған заңсыз құрылыс жұмыстарын жүргізуі, болмаса қоршап, қоғамдық көліктің қызметіне кедергі келтіруі;

- облыс орталығы аумағына Байзақ және Жамбыл аудандарынан қосылған елдімекендердегі электрондық жер теліміне кезектердің қалалыққа кіріктірілуінде туындап отырған проблемалар;

- жер телімін рәсімдеуге қатысты көптеген қызметтердің электрондық жүйеге көшуіне байланысты қарапайым халық арасында түсіндірме жұмыстарының кенжелеп тұруы

және өзге де өзекті сұрақтар кеңес құрамының талқы тақырыптарына айналды және жылдар бойы қордаланған мәселелерді шешу жөнінде ұсыныстарын айтты.

Аталмыш жиынға ҚР Мемлекеттік қызмет істері агенттігінің Жамбыл облысы бойынша департаменті мемлекеттік қызмет басқармасының басшысы Бауыржан Кенжеқұлов қатысып, кеңес мүшелерінің пікірлеріне үндес ойын жеткізді.

Фото

Previous Next