Қоғамдық кеңес отырысы

Қамыс өртінің шығу себептері, кәмелетке толмағандар арасындағы қылмыстың алдын алу.

          Аталған мәселелер Атырау облыстық қоғамдық кеңесінің  ағымдағы жылдың 2 шілдесінде өткен отырысында қаралды.

«Ақжайық» мемлекеттік резерватында орын алған қамыс өртінің себептері және алдын алу шаралары жөнінде  «Ақжайық» мемлекеттік резерватының директорының орынбасары Ә.Дауылбаев, Экология департаментінің басшысы А.Жүсіпов, Атырау облысы бойынша мамандандырылған табиғат қорғау прокурорының орынбасары Е.Мұхамбетов, Төтенше жағдайлар департаментінің басшысы Н.Жаңабаев баяндап өтті.

Қоғамдық кеңес мүшелері резерваттың материалдық базасы, бюджеттен бөлінген қаржының жұмсалуы, жүргізілген рейдтер қортындысы бойынша алынған шаралар, сондай-ақ қамыс өртінің халықтың денсаулығына әсері туралы сұрақтарын қойып, пікірлерін ортаға салды. Сонымен бірге, қоғамдық кеңес мүшелері мемлекеттік резерваттың басшылығына тәртіптік жаза алу туралы тиісті органдарға хат жазу жөнінде ортақ пікірге келді.

Қоғамдық кеңестің 2025 жылға жоспарлы мәселесі, «Атырау облысы бойынша кәмелетке толмағандар арасындағы қылмыстың алдын алу бағытындағы атқарылған жұмыстар туралы» Жергілікті полиция қызметі басқармасы бастығының м.а. А.Әліпқалиев, Білім беру басқармасының басшысы М.Әбуов баяндама жасады.

Аталған мәселе бойынша қоғамдық кеңестің Сыбайлас жемқорлыққа қарсы қоғамдық бақылау, құқық қорғау мәселелері жөніндегі комиссия  төрайымы С.Рахимова қосымша баяндама жасап, мониторинг қортындыысыымен таныстырды. Қоғамдық кеңес мүшелері қоғамда туындаған бірқатар сұрақтар бойынша  толық ақпарат алды.

Қаралған мәселелер бойынша қарар қабылданып, орындалысы бақылауда болады.

Фото

Previous Next