Жетісай аудандық қоғамдық кеңесі

Жетісай аудандық Қоғамдық кеңесінің 2025 жылға арналған жұмыс жоспарына сәйкес, кезекті қоғамдық кеңес отырысында Қызылқұм, Жылы су, Ш.Ділдабеков, Атамекен, Қазыбек би ауылдық округтері мен Асық ата кентінің әкімдерінің бір жыл ішінде атқарған жұмыстары мен алдағы жоспарлары талқыланды.

Отырыста ауылдық округ әкімдері өздерінің жылдық есептерін ұсынып, жүзеге асырылған жұмыстар мен алдағы кезеңге арналған басым бағыттар жөнінде баяндама жасады. Қоғамдық кеңес мүшелері тарапынан әкімдерге өзекті мәселелер бойынша сұрақтар қойылып, ауылдардың әлеуметтік-экономикалық дамуы, инфрақұрылымды жетілдіру, халықтың әл-ауқатын арттыру және санитариялық жағдай мәселелері бойынша пікірлер айтылды.

Әсіресе, су тапшылығы мәселесіне ерекше назар аударылып, бұл бағытта нақты тапсырмалар берілді. Аталған мәселенің шешу жолдары талқыланып, жауапты мекемелер мен тиісті әкімдерге ұсыныстар енгізілді.

Кеңес барысында айтылған барлық ұсыныс-пікірлер алдағы жұмыс жоспарына енгізіліп, орындалуы Қоғамдық кеңестің бақылауында болады.
 

Фото

Previous Next