Новости Казкенес
Новости KazKENESАтырау қаласы тұрғындарының өмір қауіпсіздігі облыстық Қоғамдық кеңесінің назарында!!!
Бүгін, 2022 жылдың 2 тамызы күні Атырау облыстық Қоғамдық кеңесінің төрағасы Мақсым Ізбасовтың төрағалығымен, 27-шілде күні Атырау мұнай өңдеу зауытында орын алған апатты жағдайға байланысты кездесу өтті. Кездесуге облыстық маслихаттың аппарат басшысы Е.Барлыбайұлы, экология департаменті басшысы Ә.Бекмухаметов, санитарлық- эпидемиологиялық бақылау департаменті басшысы М.Танауов, табиғи ресурстар және табиғатты пайдалануды реттеу басқармасының басшысы Н.Жантоқов және кеңестің экология бойынша комиссиясы төрайымы Ш. Изтелеуова, экобелсенді "Глобус" ҚБ төрайымы Г.Чернова, "Намыс" ҚБ төрағасы Т. Нұрымов қатысты.
Президент Қасым-Жомарт Тоқаев өткен үкіметтің кеңейтілген отырысында энергетикалық қауіпсіздікті қалыптастыру мәселесіне тоқталып, отандық мұнай өндеу зауыттарына жүргізілген тексеру нәтижесінде, Атырау мұнай өндеу зауытының жұмысы 2020-2021 жылдары 372 рет жоспарсыз тоқтағанын атап өткен болатын.
Бүгінгі таңда қала тұрғындарының Атырау мұнай өңдеу зауытының жұмысына наразылық келтіруі орынды. Басқосу қорытындысымен кеңестің экологиялық комиссиясының АМӨЗ-дің бас директоры М.Досмұратовпен болған кездесу барысында қабылданған ұсыныстары, орын алған апатты жағдайды зерделеу үшін облыс әкімдігі жанынан тиісті мекеме, қоғам белсенділері, депутаттар, кеңес мүшелерінен тұратын комиссия құру туралы ұсыныстар облыс әкімдігінің қарауына жолданатын болады.