ҚОҒАМДЫҚ МОНИТОРИНГ

Ауданның даму көрсеткіштері қандай?

Дүйсенбі күні аудан әкімдігінің кіші мәжіліс залында өңір басшысы Ерлан Қыдыралыұлы аудандық Қоғамдық кеңестің мүшелері алдында ауданның әлеуметтік-экономикалық даму көрсеткіштері жөнінде баяндама жасады.

Аудандық Қоғамдық кеңестің төрағасы Рүстем Бегалиев ашып, жүргізген жиында аудан басшысы өңірдің әлеуметтік-экономикалық даму қарқынына, қолға алынған жобаларға және алдағы міндеттерге тоқталды.

Аудан әкімінің айтуынша, ауыл шаруашылығы саласында өнім көлемі артып, инфрақұрылымдық жобалар жүйелі түрде жүзеге асырылуда. Сондай-ақ кәсіпкерлікті дамытуға қолдау көрсетіліп, жаңа жұмыс орындары ашылуда. Әлеуметтік салада да бірқатар оң өзгерістер орын алып, білім, денсаулық сақтау және мәдениет нысандарының жағдайын жақсартуға бағытталған жұмыстар атқарылып жатқанын атап өтті.

Кеңес отырысында Қоғамдық кеңес мүшелері ауыл тұрғындары тарапынан жиі көтерілетін мәселелерді сөз етіп, шешімін табуды қажет ететін жайттарды ортаға салды.

Аудан әкімі Ерлан Қыдыралыұлы қойылған сауалдарға нақты жауап беріп, көтерілген мәселелердің кезең-кезеңімен шешілетінін жеткіздіСондай-ақ тұрғындардың талап-тілегі әрқашан назарда болатынын, ауданның дамуы жолында билік пен қоғам бірлесе еңбек етуі қажет екенін айтты.

Фото

Previous Next