Жамбыл облыстық Қоғамдық кеңесінің мүшелері жоспарлы жұмыс іссапарымен Қордай ауданына келді.

Жамбыл облыстық Қоғамдық кеңесінің Қордай ауданы бойынша кәсіпкерлік саласында қоғамдық мониторинг жүргізу және азаматтардың өтініштерін қарау мақсатында жеке қабылдау ұйымдастырылды. 
Іс-шара аудан әкімдігі ғимаратында өтті. Жиынға қатысушылар қатарында Жамбыл облысының Қоғамдық кеңесінің Төралқа мүшесі Арқабек Төлебаев, облыстық Қоғамдық кеңесінің мүшесі Сейдахмет Сейітбеков, облыстық Қоғамдық кеңесі комитетінің мүшесі Есен Рымқұлов, аудандық Қоғамдық кеңесінің төрағасы Нұржан Молдабеков, аудандық кәсіпкерлік бөлімінің басшысы Алмас Алимходжаев, аудан кәсіпкерлері болды. Іс-шара барысында кәсіпкерлік қызметті дамытуды көздеген азаматтардың өтініштері тыңдалып, олардың құқықтық мәселелері бойынша кеңес берілді.
Әрмен қарай, облыстық Қоғамдық кеңес делегациясы аудандағы кәсіпкерлік қызметтің нақты жағдайын бағалау мақсатында бірқатар нысандарды аралады.
 

Фото

Previous Next