Новости Казкенес
Новости KazKENESРеспубликалық «Қоғамдық кеңестер апталығы» өтуде
Қазақстан Республикасы Ақпарат және қоғамдық даму министрлігінің қолдауымен «Eurasian Expert Council» қоғамдық қоры, «Азаматтық бастамаларды қолдау орталығы» АҚ-ы гранты аясында Қазақстан Республикасындағы қоғамдық кеңестерді дамыту» жобасын жүзеге асыруда.
Жобаның мақсаты – халықпен кері байланыс тетіктерін қалыптастыруда қоғамдық кеңестер қызметінің тиімділігін, сондай-ақ қоғамдық кеңестер қызметі туралы халықтың хабардар болу деңгейін арттыру.
Жобаның негізгі шартының бірі – 2022 жылдың 25 шілде- 31 қазаны аралығында өтетін «Қоғамдық кеңестердің апталығы» тақырыбына сәйкес келетін іс-шараларға белсене атсалысу, бұл ІІІ Республикалық Қоғамдық кеңестер Мәжілісі сессияларының қатысушылары мен спикерлерін іріктеудің негізгі критерийлерінің бірі болып табылады.
Атырау облыстық Қоғамдық кеңесі «Қоғамдық кеңес» апталығы тақырыбына сәйкес «Балалар жылы» аясында, кеңес төрағасы М.Ізбасовпен бекітілген жоспарға сәйкес, ағымдағы жылдың 2 тамызы күні Атырау облысы, Индер ауданындағы тұзды көлге саяхат ұйымдастырды.
Балалар бұрын соңды бұл жерде болмаған екен. Емдік қасиеті бар, тұзды көл туралы мамандардың мәліметінше, көл жыл сайын жер асты суларымен ағып келетін 1,5 млн тонна тұзды ерітіндімен толығады. Су құрамында 22 түрлі химиялық элемент бар. Тереңдігі 50 метрден асады. Жалпы аумағы 110,5 шаршы шақырымды, ұзындығы 40 километрді құрайды Тұз көл туралы естіген балалар әсерге толы болды, суға шомылып, ұйымдастырылған шараларды тамашалады.
Саяхатқа барған балалар қасиетті мекенді көруді ұйымдастыруға атсалысқан облыстық қоғамдық кеңестің төрағасы Максим Ізбасовқа, Индер ауданының әкімдігіне, жайлы көлікпен қамтамасыз еткен «Ембімұнайгаз» басқармасы басшылығына, жол полициясы қызметкерлеріне алғыс білдіреді.