Тараз қалалық Қоғамдық кеңесте қала әкімдігінің денешынықтыру және спорт, ауылшаруашылығы бөлімдерінің мемлекеттік қызмет сапасы қаралды

Тараз қалалық Қоғамдық кеңесте қала әкімдігінің денешынықтыру және спорт, ауылшаруашылығы бөлімдерінің мемлекеттік қызмет сапасы қаралды

Осы сұрақ бойынша тиісті бөлім басшылары О.Борисюк (денешынықтыру және спорт бөлімі) және Ж.Таңатаров (ауылшаруашылығы бөлімі) есеп беріп, жұмыс барысынан кеңес мүшелерін хабардар етті.

Соңыра, аталмыш бөлімдердің жұмыстарын мақсатты саралаудан өткізген кеңес мүшесі, қала әкімі аппаратының мемлекеттік көрсетілетін қызметті дамыту бөлімшесінің басшысы А.Әлімбетова қорытынды хабарлама жасап, сараптама нәтижесі бойынша бөлімдерге қандай ұсынымдар жасалғанын мәлімдеді.

Десе де, Қоғамдық кеңестің мүшелері денешынықтыру және спорт бөлімінің жұмысына қатысты жалпықалалық деңгейдегі бұқаралық спортты дамытудың кенжелеп отырғанын және оған жылдар бойы мүлдем мән берілмей келе жатқанын баса айтса, ал ауылшаруашылығы бөлімі жұмысында ауылшаруашылығы мен күрделі механизмді құрылыс техникаларын тіркеу және техникалық байқаудан өткізуде кідірістердің орын алуын сын тезіне алды.   

Сондай-ақ, жиын барысында кеңес қарауына Тараз қаласы әкімдігі кәсіпкерлік, өнеркәсіп және туризм бөлімі тарапынан «Тараз қаласында оңайлатылған декларация негізінде арнаулы салық режимін қолдану кезінде салық мөлшерлемесінің мөлшерін төмендету туралы» (4%-дан 2%-ға) құқықтық актінің жобасы ұсынылып, кәсіпкерлікті қолдауға бағытталған бұл құжатқа толықтай қолдау білдірілді.

         Айта керек, кеңес отырысына шақыртумен ҚР Мемлекеттік қызмет істері агенттігінің Жамбыл облысы бойынша департаменті мемлекеттік көрсетілетін қызметтер басқармасының басшысы Кенжеқұлов Бауыржан Саматұлы және Тараз қаласы кірістер басқармасы жеке кәсіпкерлерді әкімшілендіру бөлімінің бас маманы Үмбетқалиев Талғат Тоқтарұлы қатысты.

Фото

Previous Next