Жетісай аудандық Қоғамдық кеңесі

Жетісай аудандық Қоғамдық кеңесінің 2025 жылға арналған жұмыс жоспарына сәйкес, қоғамдық кеңес отырысында:

1.Денсаулық сақтау саласындағы жұмыстардың жай-күйі және тегін дәрі-дәрмекпен қамтамасыз ету мәселесі.

Аудандық орталық аурухана басшылығы тарапынан денсаулық сақтау саласында атқарылған жұмыстар мен мұқтаж науқастарға тегін дәрі-дәрмек беру бойынша есеп ұсынылды. Кеңес мүшелері бұл бағыттағы жұмыстарды оң бағалап, дәрі-дәрмекке қолжетімділікті арттыру және халыққа түсіндіру жұмыстарын күшейту қажет екенін атап өтті.

2.Жасөспірімдер арасындағы құқықбұзушылықтың алдын алу және заңдылықты сақтау мәселелері.

Аудандық құқық қорғау органдары басшылары құқықбұзушылықтың алдын алу бағытында жүргізіліп жатқан шаралар туралы баяндама жасады. Кеңес мүшелері бұл мәселенің өзектілігін ескере отырып, профилактикалық жұмыстарды одан әрі жандандыруды, ата-аналармен және мектептермен тығыз байланыста жұмыс жүргізуді ұсынды.

Отырыс қорытындысы бойынша тиісті ұсыныстар қабылданып, жауапты мекемелерге нақты тапсырмалар жүктелді.

Фото

Previous Next