ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ.

        Төлеби аудандық Қоғамдық кеңестің кезекті отырысын кеңес төрағасы Сейтхан Ахтаев төрағалық етті. Жиында 3-мәселе қаралды. 

         Алғашқы болып, Төлеби аудандық жұмыспен қамту және әлеуметтік бағдарламалар бөлімінің бас маманы Аңсар Сарыбай хабарлама жасады.  Төлеби аудандық мәслихатының 2024 жылғы 27 желтоқсандағы №22/124-VIII «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» шешіміне өзгерістер мен толықтырулар енгізу туралы шешім жобасымен таныстырып, саралады. Кеңес мүшелері бірауыздан құжатты қабылдап, оң қорытынды келісімдерін берді.

         Келесі мәселе де Төлеби аудандық жер қатынастары бөлім басшысы Бектөре Ешжан аудандағы жер саласында атқарылып жатқан жұмыстар бойынша толыққанды есеп берді. Елді мекен жайылым жерлері және ауылшаруашылығы мақсатындағы жайылым жерлердің жалпы көлемі 70 042,0 га құрайды. 2025 жылы жалпы көлемі 3,0 мың га жайылымдық және нысаналы мақсатына сай пайдаланылмай жатқан жер учаскелерін халықтың мұқтажын қайтару, сондай-ақ мал басы тіркелмеген 5,5 мың га жайылым жерлерді жұмысшы топ арқылы қайтару жоспарлаған.  

         «Төлеби су шаруашылығы» МКК-ын директоры Жасар Нысанбаев кәсіпорын тарапынан атқарылып жатқан жұмыстары туралы баяндама жасады.

         Қоғамдық кеңес төрағасы Сейтхан Ахтаев жиынды қорытындылай келе әрбір мәселенің орындалуы бақылауда болатындығын атап өтті.  

Фото

Previous Next