Қоғамдық кеңес

2025 жылғы 8 қазанда Атырау облыстық Қоғамдық кеңестің кезекті отырысы өтті.
Күн тәртібінде аймақтың экологиялық ахуалына қатысты өзекті мәселелер қаралды.
Отырыста Ауылшаруашылығы, кәсіпкерлік және экология мәселелері жөніндегі
комиссия төрағасы
Е.Күмісқалиев қосымша  баяндамасында келесі бағыттар бойынша талдау жасады:
1. 2025 жылғы 8 қыркүйектегі Қазақстан Республикасы Президентінің халыққа Жолдауындағы негізгі экологиялық және әлеуметтік тезистер;
2. Құрманғазы ауданындағы экологиялық жағдай;
3. Атырау қаласындағы көгалдандыру жұмыстары мен бөлінген қаражаттың тиімді пайдаланылуы;
4. «Санитарлық-қорғау аймағы» бағдарламасының орындалу барысы және ірі мұнай компанияларының жауапкершілігі;
5. Лотосты қорғау және Каспий маңы биоәртүрлілігін сақтау мәселесі;
6. Каспий теңізінің тартылған табанынан көтерілген тұзды шаңның қоршаған орта мен халық денсаулығына әсері;
7. Индер ауданындағы қоқыс полигоны мен ашық бұлақтардың қазіргі жағдайы;
8. Жылыой ауданындағы өндірістік қалдықтар мен ауа сапасына қатысты өзекті мәселелер;
9. Көлік шығарындыларының (выхлоп газдарының) адам ағзасына және атмосфераға зияны.
Баяндамашы экологиялық мониторингті күшейту, табиғи ресурстарды ұтымды пайдалану және санитарлық-қорғау аймақтарын нақты шектеу бойынша нақты ұсыныстар ұсынды.
Комиссия мүшелері аталған мәселелерді шешу бойынша бірлескен іс-қимыл жоспарын әзірлеп және тиісті мемлекеттік органдарға ұсынымдар жіберуді ұсынды. Комиссия отырысына облыс әкімінің орынбасары М.Мурзиев, тиісті басқарма басшылары қатынасты.

Фото

Previous Next