Қоғамдық кеңес отырысы өтті

Қоғамдық кеңес отырысы өтті

Ағымдағы жылдың 11 қараша күні Г.Тұрғаналиевтың төрағалығымен Қоғамдық кеңес отырысы өтті. Кеңес отырысына кеңес мүшелері, Тасқала ауылдық округінің әкімі Алғадай Жамбылұлы Жамбыл, аудандық жер қатынастары бөлімінің басшысы Айнагүл Тілегенқызы Губашева, аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімінің тұрғын үй инспекциясы секторының меңгерушісі Армат Серікұлы Шунишқалиев, экономика қаржы бөлімі басшысының бас маманы Айнара Маратқызы Абилқасимова және аудандық жұмыспен қамту және әлеуметтік бағдарламалар бөлімінің бас маманы Аэлита Ғұмарқызы Абулхаирова қатысты.

Бірінші мәселе бойынша аудандық жұмыспен қамту және әлеуметтік бағдарламалар бөлімінің бас маманы А. Абулхаирова «Тасқала аудандық мәслихатының «Тасқала ауданында тұрғын үй көмегін көрсетудің мөлшерін және тәртібін айқындау туралы» 2024 жылғы 18 сәуірдегі №19-2 шешіміне өзгерім енгізу туралы» шешім жобасымен таныстырып, жоба аудандық мәслихаттың сессия отырысына жолданды.

Аудандық экономика және қаржы бөлімінің бас маманы А. Абилқасимова және аудандық жер қатынастары бөлімінің басшысы А. Губашеваның «Мемлекеттік қызметтер туралы, оның сапасын арттыру бойынша және сыбайлас жемқорлыққа қарсы іс-қимылдың бағытындағы » есептері тыңдалды. Мемлекеттік қызмет көрсетуді сапалы, уақытында орындалуын қамтамасыз ету, сонымен қатар атқарылып жатқан жұмыстарды одан әрі жалғастырып, сыбайлас жемқорлыққа жол берілмей, түсіндіру жұмыстары үнемі жүргізіліп отырылуын қамтамасыз ету туралы айтылды.

Сонымен қатар аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімінің тұрғын үй инспекциясы секторының меңгерушісі А. Шунишқалиев «2025 жылдың 9 айы бойынша бөлімдегі атқарылған жұмыстар және аудан көлемінде қысқы маусымға дайындықтар туралы» есеп берді. Қоғамдық кеңес мүшелері баяндаманы талқыға салып, өздерінің ұсыныс пікірлерімен бөлісті.

Күн тәртібіндегі бесінші мәселе бойынша сөз Тасқала ауылдық округінің әкімі А.Жамбыл «Тасқала ауылдық округі бойынша 2025 жылдың 9 айы бойынша «Тасқала ауылдық округі бойынша көгалдандыру, абаттандыру жұмыстары және қысқы маусымға дайындықтар, сонымен қатар мемлекеттік қызметтер туралы, оның сапасын арттыру бойынша және сыбайлас жемқорлыққа қарсы іс-қимылдың бағытындағы » есебін ұсынды.

Округ әкімі баяндама барысында А.Жамбыл атқарылатын жұмыстардың нақты басты бағыттары анықталып, атап айтқанда:

-мемлекеттік қызмет көрсету жұмысының сапасын арттыру;

-нәтижелікке бағытталған аппараттың мемлекеттік бюджетті жоспарлау мен құру;

-«Мемлекеттік сатып алу» туралы заңның талаптарының сақталуы, бюджеттік қаржының игерілуі.

-сыбайлас жемқорлыққа қарсы іс-қимылды күшейту,заң бұзушылықты болдырмау қатаң бақылауға алынғаны туралы айтып өтті.

Фото

Previous Next