Сарыағаш аудандық Қоғамдық кеңесінің отырысы өтті

Сарыағаш аудандық Қоғамдық кеңесінің отырысы өтті

2024 жылғы 27 қараша күні Сарыағаш аудандық Қоғамдық кеңесінің кезекті отырысы өтті. Отырысқа Қоғамдық кеңес мүшелері, аудандық мемлекеттік органдардың басшылары мен өкілдері қатысты.

Күн тәртібінде бірнеше маңызды мәселелер қаралды:

1. Аудандағы діни ахуалдың жай-күйі және діни тұрақтылықты сақтау бағытында атқарылған жұмыстар.
   Баяндамашылар аудан аумағындағы діни жағдайға талдау жасап, тұрақтылықты нығайту бойынша жүзеге асырылып жатқан шаралар туралы мәліметтер ұсынды.

2. 2024 жылғы 23 желтоқсандағы “2025–2027 жылдарға арналған аудан бюджеті туралы” шешіміне өзгерістер енгізу жөніндегі жобаны қарау.
   Қоғамдық кеңес мүшелері ұсынылған өзгерістерге қатысты өз пікірлерін білдіріп, бірқатар ұсынымдар берді.

3. Бөлшек салықтың арнаулы салық режимі қолданылған кезде салық мөлшерлемесін төмендету туралы шешімнің күшін жоюға байланысты ұсыныстар.
   Аталған мәселе жан-жақты талқыланып, тиісті ұсынымдар жасалды.

4. Қоғамдық кеңес ұсынымдарының орындалу барысы.
   Бұған дейінгі отырыстарда қабылданған ұсынымдардың жүзеге асырылу деңгейі тыңдалып, жауапты мекемелердің ақпараттары қаралды.

5. Аудандағы нысандардың жылу маусымына дайындығы бойынша жүргізілген мониторинг нәтижелері.
   Кеңес мүшелері жүргізген тексеріс қорытындылары талқыланып, анықталған мәселелер бойынша ұсыныстардың орындалу барысы бағамдалды.

Отырыс қорытындысында барлық қаралған мәселелер бойынша тиісті шешімдер қабылданып, жауапты органдарға нақты тапсырмалар мен ұсынымдар берілді.

Фото

Previous Next