ҚАЛАЛЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ.

Бүгін, 2025 жылғы 19 қыркүйек күні қалалық Қоғамдық кеңестің кезекті отырысы өтті.

Отырыстың күн тәртібінде «Аялдамалар және ондағы жол белгілері, қаладағы сауда және қызмет көрсететін нысандардағы автотұрақтардың жәй-күйі», «Қарасора – 2025» арнайы жедел профилактикалық іс-шарасын дайындау және өткізу жөніндегі қызметті үйлестіру туралы, «Қызылөзек және Ақжарма» ауылдық округтерінің 1-ші жарты жылдықта көрсетілетін мемлекеттік қызметтері бойынша атқарылған жұмыстардың нәтижесі, «Қызылорда қаласының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Қызылорда қалалық мәслихатының 2023 жылғы 14 қыркүйектегі № 63-8/5 шешіміне өзгерістер енгізу туралы» мәселелері шығарылып, талқыланды.

Күн тәртібндегі бірінші мәселе бойынша кеңес мүшесі Э.Теңізбаев хабарлама жасап, көтерілген мәселелерге байланысты тиісті органдарға ұсыныстар жеткізді.

Сонымен қатар, қалалық полиция басқармасының Есірткі қылмысына қарсы іс-қимыл бөлімшесінің жедел уәкілі, полиция капитаны А.Абилакбаров «Қарасора – 2025» арнайы жедел профилактикалық іс-шарасын дайындау және өткізу жөніндегі қызметті үйлестіру туралы», ҚР Мемлекеттік қызмет істері агенттігінің Қызылорда облысы бойынша департаменті мемлекеттік қызмет көрсету басқармасының басшысы Н.Сүлейменов «Қызылөзек және Ақжарма ауылдық округтерінің 1-ші жарты жылдықта көрсетілетін мемлекеттік қызметтері» бойынша атқарылған жұмыстардың нәтижесін, қалалық жұмыспен қамту және әлеуметтік бағдарламалар бөлімі басшысы К.Құрақбаеванның «Қызылорда қаласының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Қызылорда қалалық мәслихатының 2023 жылғы 14 қыркүйектегі № 63-8/5 шешіміне өзгерістер енгізу туралы», қалалық экономика және қаржы бөлімінің басшысы Г.Баймаханова ««2025-2027 жылдарға арналған қалалық бюджет туралы» Қызылорда қалалық мәслихатының 2024 жылғы 18 желтоқсандағы сессиясының №223-32/1 шешіміне өзгерістер енгізу туралы» қалалық мәслихат шешімінің жобасы» туралы баяндады.

Отырысқа қала әкімінің орынбасары А.Нұрмағанбетов, ҚР Мемлекеттік қызмет істері агенттігінің Қызылорда облысы бойынша департаменті мемлекеттік қызмет көрсету басқармасының жауапты маманы, қалалық полиция басқармасының өкілдері , қалалық дербес бөлім басшылары, кент және ауылдық округ әкімдері және бұқаралық ақпарат құралдарының өкілдері қатысты.

Жиынға төралқа мүшесі С.Мырзабеков төрағалық етті.

Отырыс «Facebook» платформасы арқылы тікелей эфирден көрсетілді.

Фото

Previous Next