Жамбыл облыстық қоғамдық кеңесте құқықтың мәселелер қаралды

Жамбыл облысының Полиция департаментінің жергілікті деңгейде заңдылықты қамтамасыз ету және адам мен азаматтың құқықтарын және бостандықтарын сақтау мәселелері туралы ақпараты тыңдалды.

 Облыстық Қоғамдық кеңестің кезекті отырысында Жамбыл облысының Полиция департаменті бастығының орынбасары, полиция полковнигі Бауыржан Жанаев ҚР Ішкі істер министрлігінің аумақтық органында қоғамдық тәртіпті сақтау, қылмыстардың алдын алу және оларды ашу, азаматтардың құқықтары мен бостандықтарын қорғау міндеттерінің жүзеге асырылуы жөнінде ақпарат берді.

 Отырысқа ҚР Адам құқықтары жөніндегі уәкілінің Жамбыл облысы бойынша өкілі Еркін Қуанышев, Полиция департаментінің тергеу басқармасының бастығы Сейітжан Үйсенбаев қатысты.

 Өңірімізде заңдылықты қамтамасыз ету мақсатында Полиция департаментінің 2025 жылы атқарған жұмыстары туралы ақпаратты тыңдау барысында кеңес мүшелері С.Сатыбалдин, Ж.Омаров, Р.Рахманбердиев, С.Құрманбекова, С.Сейітбеков, Б.Дәуренбеков, Ә.Жұмабаев, А.Досмаханбетұлы, Е.Далабай, А.Ринат букмекерлік кеңселер, есірткі заттардың саудасы, буллинг, кибербуллинг, жылдамдықты өлшеу құралдары, Бурыл ауылында маусым айында орын алған жол-көлік апаты, полиция қызметкерлеріне түскен арыз-шағымдар, қылмыстарды ашу деңгейлері, Қордай асуындағы белгілер туралы сұрақтар көтерді.

 Полиция полковнигі Бауыржан Дәулетханұлы кеңес мүшелерінің сұрақтарының қоғам үшін маңыздылығын атап өтіп, қолданыстағы заңнама аясында жауаптар берді.

 Кеңес отырысы туралы сюжет JAMBYL телеарнасы арқылы көрсетілді.

Фото

Previous Next