Қалалық Қоғамдық кеңес оқушылардың ыстық тамағына мониторинг жүргізді.

Қоғамдық кеңес мүшелері қаламыздағы Б.Шалғынбаев атындағы №217 ақпараттық технология мектеп-лицейі, Тәкей Есетов атындағы №264 мектеп-лицейі және «Baiterek school» жеке мектебіне барып, оқушылардың ыстық тамағына мониторинг жүргізді. Мониторинг барысында олар мәзірмен, тамақ дайындауға пайдаланылатын өнімдерге сертификаттардың, мектеп асханаларының қызметкерлерінде санитарлық кітапшалардың болуымен, тамақ дайындау аймағы жабдықтарының санитарлық жағдайымен, оқушылардың тегін тамақтануға арналған тізімінің болуымен танысты.

Жалпы, оқушылардың ыстық тамағын ұйымдастырумен жағдай қанағаттанарлық. Барлық мектептерде 1-4 сынып оқушылары, сондай-ақ көп балалы және аз қамтылған отбасылардың балалары тегін тамақпен қамтамасыз етілген.

Мониторингтің қорытындысы Қоғамдық кеңестің отырысында талқыланатын болады.

Фото

Previous Next