ҚАЛАЛЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ.

Бүгін, 2025 жылғы 18 желтоқсан күні қалалық Қоғамдық кеңестің кезекті отырысы өтті.

Отырысқа әкімі орынбасары Нұрмағанбетов Арнұр Әлібекұлы, дербес бөлім басшылары, мекеме басшылары, кент және ауылдық округ әкімдері және бұқаралық ақпарат құралдарының өкілдері қатысты.

Отырыстың күн тәртібінде қаралған мәселелер:

1. 2026-2028 жылдарға арналған қалалық бюджет туралы.

2. 2026-2030 жылдарға арналған Қызылорда қаласының даму жоспары туралы.

3. «2025-2027 жылдарға арналған Қызылорда қаласының бюджетін бекіту туралы» Қызылорда қалалық мәслихатының 2024 жылғы 18 желтоқсандағы №223-32/1 шешіміне өзгерістер енгізу туралы.

4. Мектеп асханасындағы тамақтанудың сапасы мен мектеп асханасының санитарлық жағдайын бақылау туралы

5. Қалалық Қоғамдық кеңестің 2026 жылға арналған жұмыс жоспарын бекіту туралы.

Аталған мәселелерге байланысты қалалық экономика және қаржы бөлімі Г.Баймаханованың, қалалық білім бөлімінің басшысы Г.Абдазиеваның, Әлеуметтік сала және қоғамдық қауіпсіздік мәселелері жөніндегі комиссияның төрағасы Салхадин Мырзабекұлының баяндамалары талқыланып, берілген сұрақтарға тиісті жауаптар берілді.

Сонымен қатар Қоғамдық кеңес мүшелері 9 желтоқсан күні қаламыздағы Б.Шалғынбаев атындағы №217 ақпараттық технология мектеп-лицейі, Тәкей Есетов атындағы №264 мектеп-лицейі және «Baiterek school» жеке мектебіне барып, оқушылардың ыстық тамағына мониторинг жүргізді.

Қаралған негізгі бағыттар:

Тағамдардың сапасы мен балғындығы

Санитарлық-гигиеналық талаптардың сақталуы

Мәзірдің оқушылар жасына сәйкестігі

Қызмет көрсету мәдениеті тағамдардың дайындалу тәртібі, сақтау мерзімі, қызметкерлердің санитарлық құжаттамалары қаралып, тиісті ұсыныстар берілді.

№264 мектеп-лицейінде оқитын оқушы саны – 3899 құрап отыр. Асхана сыйымдылығы 200 орындық. Бастауыш сыныпта 1501 бала білім алады. 5-11 сыныпта – 246 бала. Барлығы – 1747 оқушы ыстық тамақпен қамтылған.

№217 мектепте оқитын жалпы бала саны – 1414. Ыстық тамақпен қамтылған бала саны – 1-4 сыныптарда 545 оқушы, 5-11 сыныптарда 141 оқушы. Барлығы – 686 оқушы. Орындық саны – 90.

Жалпы, оқушылардың ыстық тамағын ұйымдастыру жағдайын қанағаттанарлық деп бағалауға болады. Барлық мектептерде 1-4 сынып оқушылары, сондай-ақ, көп балалы және аз қамтылған отбасылардың балалары тегін тамақпен қамтамасыз етілген.

«Baiterek school» жеке мектебінде барлығы 1781 оқушы оқиды. Мектепте 3 асхана бар. 1-корпуста 331 оқушы білім алады. Оның ішінде, 1-4 сыныптардан 151 оқушы (65 оқушыдан бөлініп ішеді) ыстық тамақ ішеді. Ал, 2-корпуста 700 оқушы білім алады. Оның ішінде, 1-4 сыныптардан 175 бала, яғни барлығы ыстық тамақ ішеді. Сағат 11.45-тен бастан 14.00-ге дейін 4 рет ауысып тамақтанады. 3-корпуста 5-11 сыныптардағы 753 бала, яғни 4 реттен 182 баладан бөлініп тамақтанады.

Асхананың жұмысымен толық танысып, тиісті ұсыныстар берілді.

- «Бәйтерек» және №217 мектептер бойынша ішкі тазалығы мен санитариялық жұмыстарын бақылауға алу және күшейту;

- №217 мектептің асханасы акт залмен бірге орналасуы ыңғайсыздық тудыруына байланысты қосымша ғимарат салу;

- ас мәзірін жаңарту ұсыну;

- тамақ ішу уақытын реттеу ұсынылды.

Жиынға кеңес төрағасы С.Дүйсенбаев төрағалық етті.

Отырыс «Facebook» платформасы арқылы тікелей эфирден көрсетілелді.

Фото

Previous Next