Новости Казкенес

Қоғамдық кеңес отырысы

Қоғамдық кеңес отырысы өтті
Ағымдағы жылдың 22 желтоқсан күні Г.Тұрғаналиевтың төрағалығымен Қоғамдық кеңес отырысы өтті. Кеңес отырысына кеңес мүшелері, аудан әкімінің орынбасары Рауан Бисенғалиұлы Рахметуллин аудандық жұмыспен қамту және әлеуметтік бағдарламалар бөлімінің басшысы Батима Махамбетқызы Кентугаева, аудандық мәдениет, тілдерді дамыту, дене шынықтыру және спорт бөлімінің басшысы Таңатжан Мұхтар Таңатжанұлы және экономика қаржы бөлімі басшысының м.а. Эльвира Максимқызы Бисалиева қатысты.
Күн тәртібіндегі бірінші және екінші мәселелер бойынша аудандық жұмыспен қамту және әлеуметтік бағдарламалар бөлімінің басшысы Б.Кентугаева «Қоғамдық жұмыстардың түрлерін және қоғамдық жұмыстар орындалуға тиіс ұйымдардың тізбесін айқындау туралы» және « 2026 жылға арналған үйде арнаулы әлеуметтік қызметтер көрсетуге тарифтерді бекіту туралы» қаулы жобаларымен таныстырып, аудан әкімдігінің отырысында қарауға жолданды.
Аудандық экономика және қаржы бөлімі басшысының м.а. Э.Бисалиева бірнеше шешім жобалары туралы баяндады. Атап айтқанда: «2026-2028 жылдарға арналған аудандық бюджет туралы»;
Тасқала аудандық мәслихатының 2024 жылғы 20 желтоқсандағы №27-3 «2025-2027 жылдарға арналған аудандық бюджет туралы» шешіміне өзгеріс енгізу туралы»;
Тасқала аудандық мәслихатының 2024 жылғы 26 желтоқсандағы №30-1 «2025-2027 жылдарға арналған Тасқала ауданының ауылдық округтерінің бюджеті туралы» шешіміне өзгерістер енгізу туралы»;
«2026 жылға арналған Тасқала ауданының ауылдық елді мекендеріне жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдық округ әкімдері аппараттарының мемлекеттік қызметшілеріне әлеуметтік қолдау шараларын үсыну мөлшерін айқындау туралы» шешім жобалары аудандық мәслихаттың сессия отырысына жолданды.
Келесі мәслеле бойынша аудандық мәдениет, тілдерді дамыту, дене шынықтыру және спорт бөлімінің басшысы М.Таңатжанұлы «Жергілікті бюджеттен қаржыландырылатын ұйымдар жұмыскерлерінің лауазымдық айлықақыларына ынталандыру үстемеақы белгілеу туралы» шешім жобасымен таныстырып, жоба аудандық мәслихаттың сессия отырысына жолданды.
Соңғы мәселе бойынша аудандық қоғамдық кеңестің хатшысы Жанат Зайтқызы Сисенбаева Тасқала аудандық қоғамдық кеңесінің 2026 жылға жұмыс жоспарын ұсынды. Кеңес мүшелері аталған жоспарды талқылап, бекітті.

Фото