ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

Жетісай ауданында Қоғамдық кеңестің кезекті отырысы өтті.

Отырыстың күн тәртібіне төмендегі мәселелер ұсынылды:

• Қоғамдық кеңестің бос тұрған мүшелігіне резервтік тізімнен мүшелерді сайлау;
• Жетісай ауданының Қоғамдық кеңесінің төрағасын сайлау.

Күн тәртібіндегі бірінші мәселе бойынша Қоғамдық кеңестегі бос орындарға резервтік тізімге сәйкес Дүйсебаев Өмірзақ Жазыұзақұлы мен Панов Аманжол Омарұлы Қоғамдық кеңес мүшелігіне сайланды.

Келесі мәселе — Жетісай ауданының Қоғамдық кеңесінің төрағасын сайлау бойынша, кеңес мүшелерінің бірауыздан қолдауымен  Елшібаев Тұрышбек Күлішұлы Қоғамдық кеңестің төрағасы болып сайланды.

Елшібаев Тұрышбек Күлішұлы 1961 жылдың 1 тамызында Жетісай ауданына қарасты Құрбан ата ауылында дүниеге келген. Ауыл мектебінде орта білім алған.

1984 жылы Алматы зоотехникалық-малдәрігерлік институтын,

2006 жылы Мақтаарал гуманитарлық-экономикалық және агробизнес колледжін,

2014 жылы Шымкент университетін ғалым-агроном мамандығы бойынша тәмамдаған.

Еңбек жолын 1984 жылы сол кездегі Шымкент облысы, Жетісай ауданына қарасты «Красная звезда» кеңшарында аға мал дәрігері қызметінен бастаған. Кейін ферма меңгерушісі, бас мал дәрігері қызметтерін атқарған.

1992 жылы Жетісай аудандық мал дәрігерлік станциясының бастығы,

1997 жылдан ірілендірілген Мақтаарал аудандық мал дәрігерлік станциясының басшысы болды.

1999–2018 жылдары Қазақстан Республикасы Ауыл шаруашылығы министрлігінің Мақтаарал аудандық аумақтық инспекциясын басқарды.

2018–2022 жылдары Жетісай қаласының әкімі,

2023–2025 жылдары Жетісай ауданы әкімінің орынбасары,

2025–2026 жылдары аудан әкімінің ауыл шаруашылығы саласы бойынша штаттан тыс кеңесшісі қызметтерін атқарды.

Фото

Previous Next