Новости Казкенес

Батыс Қазақстан облыстық Қоғамдық кеңесінің отырысы өтті

Батыс Қазақстан облыстық Қоғамдық кеңесінің отырысы өтті
Ағымдағы жылдың 26 қаңтар күні Орал қаласында Батыс Қазақстан облыстық Қоғамдық кеңесінің кезекті отырысы өтті. Аталған жиынға Тасқала аудандық мәслихатының төрағасы Ж. Бисенғалиева, Қоғамдық кеңес төрағасы Г.Турганалиев, аудандық мәслихат депутаты А.Кульшманов, аудандық ардагерлер кеңесінің төрағасы Ж.Балыков өңірлік деңгейдегі маңызды мәселелердің талқылануына атсалысты. Отырыс Қазақстан Республикасының «Қоғамдық кеңестер туралы» Заңының 23-бабына сәйкес ұйымдастырылды. Күн тәртібінде үш мәселе қаралып, соның ішінде Батыс Қазақстан облысы әкімінің міндетін атқарушы Т.Каюповтың облыста соңғы үш жылда атқарылған жұмыстар туралы есебі тыңдалды. Сондай-ақ облыстық Қоғамдық кеңестің төрағасы Б.Атауов кеңестің соңғы он айдағы атқарған жұмыстары жөнінде баяндама жасады. Ұлттық құрылтай мүшесі Бауыржан Файзоллаұлы Ғұбайдуллин Қызылорда қаласында өткен Ұлттық құрылтайдың қорытындылары мен алдағы міндеттерге тоқталды. Жиын барысында облыстық және аудандық Қоғамдық кеңес мүшелері өзекті мәселелер бойынша сұрақтар қойып, нақты жауаптар алды.Мұндай кездесулер мемлекет пен қоғам арасындағы ашық диалогты нығайтуға, жергілікті деңгейдегі мәселелерді көтеруге және олардың шешілуіне ықпал етеді.

Фото