Қоғамдық кеңестің мүшелері 2026 жылғы 23-30 қаңтар аралығы қалада орналасқан дәріханаларға дәрілік заттардың бағасына қоғамдық бақылау жүргізді.

2026 жылғы 28-30 қаңтар аралығында қалалық Қоғамдық кеңес мүшелері қаламыздағы Тасбөгет кенті және Шұғыла шағын ауданындағы дәріханаларында дәрілік заттардың құнына кезекті мониторинг жүргізді. Қазақстан Республикасында дәрілік заттарға баға белгілеу тетігін жетілдіру шеңберінде ҚР Денсаулық сақтау министрлігі халық үшін дәрілік заттардың экономикалық қолжетімділігін арттыруға бағытталған бірқатар жүйелі шаралар қабылдауда.

Атап айтқанда, дәрілік заттардың 2900 сауда атауының бағасы қайта қаралып, жаңа шекті бағалар бекітілді. Дәрілік заттарға бағаның негізсіз өсуіне жол бермеу мақсатында Үкімет түрлі шараларды іске асыруда.

Мониторинг қорытындысы бойынша қаланың бірқатар дәріханаларында жекелеген дәрілік заттарға шекті сату бағасының асып кету фактілері анықталды. Анықталған фактілер бойынша ақпарат қолданыстағы заңнама шеңберінде тиісті орындарға шаралар қабылдау үшін жолданатын болады.

Бұдан басқа, мониторинг барысында кәзіргі таңда жекелеген сұранысқа ие дәрілік препараттардың, оның ішінде «Флувирм», «Флукап», «Ацекловир АКОС» көпшілігінде жоқ екені анықталды.

Фото

Previous Next