Қазақстанның Халықтық Конституциясы

Елордада еліміздің жетекші қоғамдық-саяси күштері бас қосып, «Әділетті және Прогрессивті Қазақстанның Халықтық Конституциясы үшін!» атты Жалпыұлттық коалицияға бірікті. Оның құрамына бес жетекші саяси партияның өкілдері мен миллиондаған азаматтың мүддесін білдіретін 300-ден астам қоғамдық ұйым енді. Жиынға облыстардан қатысушылар саяси партия өкілдері, депутаттар, қоғамды белсенділері бейнебайланыс арқылы қосылып, маңызды басқосудың куәсі болды. Жиында сөз алғандар Жаңа Конституция жобасы Күшті әрі Әділетті Қазақстанды қалыптастырудың берік тұғыры болатынын жеткізді. Олардың айтуынша, құжат саяси жүйені қоғамның қазіргі талаптарына сәйкес жаңаша үлгіде қайта құрып, басқару құрылымын жетілдіруге мүмкіндік береді. Соның нәтижесінде билік тармақтарының тиімді әрі үйлесімді қызметі қамтамасыз етіліп, азаматтардың мемлекеттік шешімдер қабылдау үдерісіне қатысу мүмкіндігі артады. Мәжіліс Спикері әрі Жалпыұлттық Коалиция жетекшісі Ерлан Қошанов Жаңа Конституция – елді ұйыстырып, ұлттық рухты көтеруге қабілетті тарихи құжат екенін атап өтті. Онда ең алдымен адамға басымдық беріліп, мемлекеттің негізгі байлығы табиғи ресурстар емес, білімді әрі бәсекеге қабілетті жас буын екені нақты көрсетілген. Бұл бастама – Президент жүзеге асырып жатқан кең ауқымды реформалардың өзегі, енді ол ең жоғары конституциялық деңгейде бекітілмек.

Фото

Previous Next