Новости Казкенес

Қоғамдық кеңес отырысы

Денсаулық сақтау мәселесі қоғамдық кеңестің назарында.

Атырау облыстық қоғамдық кеңесінің жоспарлы отырысында денсаулық сақтау басқармасының басшысы Қ.Абдалиевтің  «Өңірдегі кепілдендірілген  медициналық қызметтің жәйі туралы» баяндамасы тыңдалып, талқыланды.

Денсаулық сақтау саласына мемлекеттен бөлінетін қаржы жыл сайын артып келеді, дегенмен де, облыс медицина саласында шешімін таппаған мәселелердің бар екені құпия емес. Дәрігерлердің сан жағынан орны толмай, кадр тапшылығы болғаннан кейін, сапалы медициналық қызмет, дәрігердің біліктілігі туралы айтпасада түсінікті. Мониторинг кезінде білгеніміздей, облыс орталығындағы номері 3-ші емханада 33 ВОПтың орнына 23 ВОП қызмет етуді, яғни 10 дәрігер жетіспейді, ал нөмірі 5-ші емханада 33 ВОПтың орнына 18 ВОП қабылдайды, яғни 15 дәрігер тапшы. Атыраудағы екі емхананың өзінде 25 дәрігер жетіспейді. Медицина саласындағы реформаларға сәйкес, жедел жағдайдағы пациенттерден басқалары жалпы практика дәрігеріне қараларда, апталап күтуге, бейімді маман дәрігерлерге бару үшін тағы да кезек күтуге мәжбүр болғандықтан, міндетті медициналық сақтандыру жарнасын жүйелі төлесе де, ақылы клиникаға баратындарын жеткізді. Міндетті медициналық сақтандыру шеңберінде жекеемхана дәрігерлерінің қабылдауында болатын пациенттерге ОСМС бойынша құқықтары түсіндірілмей немесе басқа клиниканы таңдау мүмкіндігі айтылмай, әрі қарай емді ақылы ұсынып, науқастарды пайда көзі ретінде қабылдамай, басқа да альтернативті ұсыныстар айтылса деген өтініш.

Зерделеу барысында медицина саласы бойынша бірегей ақпарат базасының жасақталу қажеттілігі айтылды, сонымен қатар «Даму» ақпараттық жүйесінің қалыпты жұмыс жасамауы медицина қызметкерлерінің де, пациенттердің де жүйкелеріне салмақ түсіруде.

Облыстық ауруханадағы ғимарат жөндеуінің ұзақтығы қолайсыздықтар әкелуде.

Аталған мәселелер зерделеніп, айтылған сын пікірлер расталатын болса, орын алған мәселелердің уақтылы шешілуі медициналық қызметтің сапасын арттыруға және халықтың денсаулық сақтау жүйесіне сенімін күшейтуге ықпал етері сөзсіз.

 

Фото