XXV «AKTOBE OPEN» халықаралық турнирі

Бүгін «Жекпе-жек» сарайында Әлем чемпионы, 7 дан иегері, Қазақстанға еңбек сіңірген жаттықтырушы, Ақтөбе қаласының құрметті азаматы , Ақтөбе облыстық Қоғамдық кеңесінің мүшесі— Әшім Шәріпұлы Қали құрметіне арналған айтулы дода салтанатты түрде ашылды.
Турнирге Ресей, Қырғызстан елдерінің және Қазақстанның өңірлерінен каратэшілер қатысып, татамиде шеберлік пен мінез көрсетті.
Салтанатты ашылу рәсіміне Ақтөбе облысы әкімінің орынбасары Батырхан Жолдас Нұрланұлы, «AMANAT» партиясы Ақтөбе облыстық филиалының төрағасы Данагулов Ербол Жеткергенұлы, Олимпиада чемпионы Юрий Мельниченко, каратэден екі дүркін әлем чемпионы Гогита Аркания және Германия өкілі Александр Киреев қатысып, облыстық Қоғамдық кеңес төрағасы Тәттігүл Талаева  ізгі тілектерін білдірді. Сонымен қатар, жарысқа спорт саласының ардагерлері, федерация өкілдері және өзге де құрметті қонақтар арнайы қатысып, турнирдің маңыздылығын атап өтті.
Сондай-ақ, спорт саласына өлшеусіз еңбек сіңірген Әшім Шәріпұлының зейнеткерлікке шығуына орай шынайы алғыс пен құрмет көрсетілді. Саналы ғұмырын ел спортына арнаған тұлғаға зор денсаулық, ұзақ ғұмыр және шәкірттерінің жеңісін көре беруіне тілектестік білдіреміз
Бұл турнир — тек жарыс емес.Бұл — дәстүр сабақтастығы, тәртіп пен рухтың мерекесі.Бұл — көк байрақты биікте ұстайтын ұрпақтың алаңы.
Іс-шара барысында қатысушыларға 15 наурызда өтетін республикалық референдум жөнінде ақпарат беріліп, ел болашағына бейжай қарамай, азаматтық белсенділік танытудың маңыздылығы атап өтілді.
Бірлік пен жауапкершілік — кемел келешектің кепілі

Фото

Previous Next