ТАРАЗДА МЕКТЕПТЕРДЕГІ ЫСТЫҚ ТАМАҚТЫҢ АХУАЛЫ ЗЕРДЕЛЕНУДЕ

Тараз қалалық Қоғамдық кеңестің құрамы облыс орталығындағы мектептерде бастауыш сынып оқушылары және әлеуметтік қолдауға мұқтаж отбасы балаларының ыстық тамақпен қамтылу ахуалымен танысуға кірісіп кетті. Барлық мектептер зерделеумен қамтылмақ. Онда – мердігерді айқындау бойынша тендерлік рәсімнен бастап, ұтып алған мердігерлер, олардың жалдамалы жұмысшыларының (аспаздар, олардың көмекшілері) талапқа сәйкестігі, тиісті құрал-жабдықтармен қамтылуы, қолданылатын азық-түлік пен техникаларына, сонымен қатар, жалпы мердігерлердің қызметіне рұқсат беретін сертификаттарының болуы, шынайылығы, асхана жұмысының сан-эпид міндеттемелерін сақтауы, үдесінен шығуы, азық-түлік сапасының стандарттарға лайықтылығы, толық құрамда қамтылуы, ас мәзірінің бекітілген құжатпен біркелкілігі, граммдық мөлшерлеменің мүлтіксіз орындалуы, аса маңызды мәселе – мұқтаж оқушылардың толықтай қамтылуы, оқушылар мен ата-аналардың тамақ сапасына қанағаттануы, бракераждық комиссиялар қызметінің тиімділігі, мектептер әкімшіліктерінің аса мән беруді қажет ететін жұмысты ілгерілетуде мердігерлермен қоян-қолтық шараларды ұйымдастыру деңгейі және т.б. туындай қалмақ мақсатты өзекті мәселелерге жіті мән беретін болады.

P.S. Осы сұрақ бойынша сараптама нәтижесі Тараз қалалық Қоғамдық кеңестің кезекті отырысында қаралып, мәтіндік нұсқасы толықтай өздеріңіздің назарларыңызға ұсынылатын болады.

Фото

Previous Next