Жетісай ауданы Қоғамдық кеңесі

Бүгін ауданымызда денсаулық сақтау, ветеринария және қоғамдық қауіпсіздік мәселелері бойынша жиналыс өтіп, бірнеше маңызды мәселелер талқыланды. Әр сала бойынша нақты атқарылған жұмыстар мен жоспарлар қаралды:

1.Аудандағы денсаулық сақтау жұмыстарының жағдайы мен атқарған жұмыстардың барысын, тегін дәрі-дәрмектердің мұқтаж науқастарға берілуі жайлы есептерін талқылау;

• Тегін дәрі-дәрмектердің мұқтаж науқастарға берілуі бойынша бақылау шаралары талқыланды. Әсіресе, инфекциялық аурулар мен созылмалы аурулармен ауыратын азаматтарға дәрі-дәрмектердің уақытылы жеткізілуі жайы қарастырылды. Медициналық қызметтің сапасын арттыру мақсатында аудандық ауруханалар мен амбулаторияларда жаңа құрал-жабдықтар орнату, дәрігерлердің біліктілігін арттыру мәселелері көтерілді.

2. Аудандағы эпизотикалық жағдай және мал дәрігерлік іс-шараларын өткізу жағдайлары туралы;

• Мал дәрігерлік іс-шаралардың өткізілуі мен эпизотикалық жағдайды бақылау бойынша атқарылған жұмыстар қорытындыланды. Мал ауруларының алдын алу мақсатында вакцинация науқандары, профилактикалық тексерулер мен санитарлық-ветеринарлық тексерулер жүргізіліп жатыр. Аудан бойынша малға қатысты аурулардың таралуына жол бермеу үшін ветеринарлық қызметтердің жұмыстарын күшейту қажеттілігі айтылды.

          Қоғамдық қауіпсіздікті қамтамасыз ету мақсатында арнайы мобильді топтар құрылып, иттердің көп шоғырланған жерлерінде патрульдеу жұмыстары күшейтілді.

          Барлық аталған мәселелер бойынша нақты жоспарлар жасалып, аудан тұрғындарының денсаулығы мен қауіпсіздігін жақсарту мақсатында тиімді шаралар қабылданатын болды.

Фото

Previous Next