Қызылорда қалалық Қоғамдық кеңесінің мүшелері қаладағы көгалдандыру жұмыстарына мониторинг жүргізді.

Бүгін Қызылорда қалалық Қоғамдық кеңесінің мүшелері қаладағы көгалдандыру жұмыстарына мониторинг жүргізіп, бірқатар өзекті мәселелерді назарға алды.

Мониторинг нәтижесінде көгалдандыруды жүйелі түрде ұйымдастыру мақсатында нақты ұсыныстар берілді. Атап айтқанда:

— әрбір аумақ, аллея және скважина бойынша апталық суару кестесін әзірлеп, қатаң сақтау;

— аллеялар мен саябақтардағы жасыл желектерді суаруға жауапты мамандарды нақты бекіту;

— Сырдария суын пайдалануға мүмкіндік бар аумақтарда тиімді суару жүйесін енгізу.

Сонымен қатар, Қоғамдық кеңес мүшелері қаланың көгалдануына бейжай қарамайтын тұрғындармен кездесіп, олардың пікірлерін тыңдады. Айта кету керек, кеңес мүшелері мен тұрғындардың ойлары бір арнада тоғысты — жүйелі жұмыс пен жауапты мамандар қажет.

Алдағы уақытта көгалдандыру жұмыстарының нәтижелі болуы Қоғамдық кеңес пен экология комиссиясының тұрақты бақылауында болады. Бұл бағытта қалалық тұрғын үй-коммуналдық шаруашылық бөлімі және көгалдандыру мен аяқ суға жауапты мекемелермен бірлесіп нақты шешімдер қабылданатын болады.

Фото

Previous Next