Қоғамдық кеңес отырысы

Ірі өнеркәсіп орындарының экологияны жақсартудағы жұмысы қанағаттанарлық па?

Атырау облыстық қоғамдық кеңесінің ағымдағы жылдың  29-шы сәуір күні өткен отырысында «Облыстағы ірі өнеркәсіп орындарында  қоршаған ортаны қорғау шараларының орындалуы  туралы» мәселе қаралды.

Кеңес отырысына облыс әкімінің орынбасары М.Мурзиев, басқарма, департамент басшылары, қала әкімдігі, Атырау мұнай өңдеу зауыты, КPI, NCOC компаниялары және БАҚ - ның өкілдері қатынасты. 

 Күн тәртібіндегі мәселе бойынша Экология департаменті басшысының орынбасары Е.Есенов баяндама жасады.

2025 жылдың қортындысы бойынша өңірдегі кәсіпорындардан 2,36 триллион теңге айыппұлдар өндірілген. Осындай орасан зор қаражат өндіріле тұрса да халық неге экологиялық жағдайдың жақсарғанын сезінбейді?

Сондай-ақ шығарындылардың көрсеткіші жылдан жылға көбейіп отырғаны халықтың алаңдатушылығын туғызып отыр. НКОК компаниясы табиғат қорғау шаралары аясында бірқатар жұмыстар атқарғанмен, көгалдандыру жұмысын 2030 жылға шегерген.

АМӨЗ бойынша, рұқсатсыз факельдік шығарындылар, ондаған мың текше  метр сарқынды судың заңсыз төгілуі, газды нормативтік рұқсатсыз пештерде жағу  процесінің орын алуы халықтың елеулі алаңдатушылығын тудырып отыр.

KPI зауыты бойынша жүргізілген мониторинг барысында зауыттың көгалдандыру бойынша жоспары жасақталмағандығы анықталды. Зауыт іске қосылғалы небары 200 көшет отырғызған. Сондай-ақ зауыт өкілдері факельдік жүйеден шығатын ластаушы  заттардың құрамы туралы мәлімет бере алмады. Аталған және өзге де  мәселелер қоғамдық кеңестің Ауылшаруашылығы, кәсіпкерлік және экология мәселелері жөніндегі комиссия төрағасы    Е.Күмісқалиевтың  қосымша баяндамасында орын алды.

Қоғамдық кеңес мүшелері айыппұлдарды қайта бағыттау, үздіксіз экологиялық мониторинг жүргізіп отыру, жүйелі ластаушыларға қатаң шаралар алу, қоғамдық бақылауды ресми тетікке айналдыру бағытыында ұсыныстарын айтты.

Фото

Previous Next