Тараз қалалық Қоғамдық кеңес 1 отырыста 3 мәселе қарап, нендей сұрақтарға мән берді?

2026 жылғы 5 маусымда Тараз қалалық Қоғамдық кеңесінің төралқасы мен комиссияларының бірлескен отырысы өтті. Онда мынадай мәселелер КҮН ТӘРТІБІНЕ қойылды:

1. «Тараз қаласы әкімдігінің тұрғын үй-коммуналдық шаруашылық, жолаушы көлігі және автомобиль жолдары бөлімімен 2025 жылы көрсетілетін мемлекеттік қызметтері бойынша атқарылған жұмыстар туралы»;

Хабарламашы: Елдос Қыдырбекұлы Кеңесбеков, қала әкімдігінің тұрғын үй-коммуналдық шаруашылық, жолаушы көлігі және автомобиль жолдары бөлімі басшысының орынбасары

2. «Тараз қаласы әкімдігінің сәулет және қала құрылысы бөлімімен 2025 жылы көрсетілетін мемлекеттік қызметтері бойынша атқарылған жұмыстар туралы»;

Хабарламашы: Дина Аятқызы Раманкулова, қала әкімдігінің сәулет және қала құрылысы бөлімінің басшысы

3. «2026-2028 жылдарға арналған қалалық бюджет туралы» Тараз қалалық мәслихатының 2025 жылғы 19 желтоқсандағы №35-3 шешіміне өзгерістер енгізу туралы»;

Хабарламашы: Жандос Ілиясбекұлы Ордабаев, қала әкімдігінің экономика және бюджеттік жоспарлау бөлімінің басшысы.

Кеңес құрамы мәселелерді талқылау барысында өзекті 4 сұраққа басымдық берді. Олар:

"1. Арнайы мекемелерге қысқы жылыту маусымына дайындық паспортын беруде сараптамалық бақылауды күшейту;

2. Ағаш кесу шараларына қатысты байқамай заң құрығына ілігіп кетпеу үшін, тұрғындар арасында түсіндірме жұмыстарын өрістету;

3. Құрылыс жұмыстарына қатысты сәулеттік рәсімдер жасалуда "қызыл сызық" мәселесіне жіті мән беру;

4. Бюджетке өзгерістер енгізуде атқарушы органдар тарапынан ең бастысы халық пен мемлекет мүддесіне зиян келмеу жағы жіті әрі терең зерделеуден өткізілуі қажеттігі", - болды.

               Айта кету керек, осы отырысқа атқарушы органдардың тыныс-тіршілігін ішінен әрі боямасыз білу мақсатында ҚР Мемлекеттік қызмет істері агенттігі Жамбыл облысы бойынша департаментінің мемлекеттік көрсетілетін қызметтер басқармасының басшысы Кенжеқұлов Бауыржан Саматұлы шақырумен қатысты.

Фото

Previous Next