Қоғамдық кеңес отырысы

Атырау облыстық қоғамдық кеңесінде.
Атырау облыстық қоғамдық кеңес мүшелері отырыста 2025 жылға арналған облыстық бюджеттің атқарылуын тыңдады. Қоғамдық кеңестің басты міндеті – бюджет қаражатының тиімді, әрі әділ жұмсалуына бақылау жасау. Қоғамдық кеңес мүшелері Бюджеттік бағдарламалардың әкімшілеріне мониторингті күшейту, жергілікті атқарушы органдар игерілмеген қаражаттың себеп-салдарын ашық жариялауы, қаражатты тиімсіз жұмсауға жол бермеу үшін қоғамдық бақылауды бірлесе жүргізу жөнінде ұсыныстарын айтты. Сонымен бірге, кеңес отырысында «Өңірдегі мүмкіндігі шектеулі жандарға кедергісіз орта қалыптастыру жәйі туралы» мәселе тыңдалды. Қоғамдық кеңестің Әлеуметтік және мәдени мәселелері жөніндегі комиссия мәселе бойынша зерделеу жүргізіп, бірқатар кемшіліктерді ашып айтты. Оның ішінде автобустардағы мүгедектерге арналған орындарды қалпына келтіру, бағдаршамдардың жұмысы секілді шешімі табылуға тиісті қарапайым мәселелер де бар. Айтылған ұсыныстар қарарға енгізілетін болады.

Фото

Previous Next