Новости Казкенес

Қоғамдық кеңес отырысы

Қоғамдық кеңес отырысы өтті
Ағымдағы жылдың 10 маусым күні Г.Тұрғаналиевтың төрағалығымен Қоғамдық кеңес отырысы өтті.
Отырысқа кеңес мүшелері, Ақтау ауылдық округінің әкімі Б.Имашев, ШЖҚ «Тасқала аудандық ауруханасы» МКК емхана меңгерушісі А.Амангалиева және Тасқала ауданы әкімі аппаратының ақпараттық технологиялар және мемлекеттік қызметтер мониторингі бөлімінің басшысы Н.Курмышева қатысты.
Күн тәртібіндегі бірінші және екінші мәселелер бойынша Тасқала ауданы әкімі аппаратының ақпараттық технологиялар және мемлекеттік қызметтер мониторингі бөлімінің басшысы Н.Курмышева шешім және қаулы жобаларымен таныстырды.
Тасқала ауданы әкімінің 2020 жылғы 9 қыркүйектегі №11 «Тасқала ауданының аумағында сайлау учаскелерін құру туралы» шешіміне өзгеріс енгізу туралы» шешім және Тасқала ауданы әкімдігінің 2019 жылғы 28 мамырдағы №125 «Үгіттік баспа материалдарын орналастыру үшін орындар белгілеу туралы» қаулысына өзгеріс енгізу туралы» қаулы жобалары аудан әкімдігінің отырысында қарауға жолданды.
Үшінші мәселе бойынша «Тасқала аудандық ауруханасы» МКК емхана меңгерушісі А.Амангалиева «Аудандағы медицина сапасын арттыру бойынша 2025 жылы атқарған жұмыстары туралы» және сыбайлас жемқорлыққа қарсы іс-қимыл бағытындағы есебін ұсынды.
Төртінші мәселе бойынша Ақтау ауылдық округінің әкімі Б.Имашев ауылдық округі әкімі аппаратының мемлекеттік көрсетілетін қызметтері туралы және оның сапасын арттыру бойынша және сыбайлас жемқорлыққа қарсы іс-қимыл бағытындағы есебін баяндады.
Қоғамдық кеңес мүшелері аталған мәселелерді талқыға салып, ұсыныс пікірлерімен бөлісті. Мемлекеттік қызмет көрсетудің сапалы, уақытында орындалуын, сонымен қатар атқарылып жатқан жұмыстарды одан әрі жалғастырып, сыбайлас жемқорлыққа жол берілмей, түсіндіру жұмыстары үнемі жүргізіліп отырылуын қамтамасыз етілуін ескертті.

Фото