Жаңақала аудандық Қоғамдық кеңесінің кезекті отырысы

Бүгін аудан әкімдігінің үлкен мәжіліс залында Р.Уразалиев төрағалығымен Қоғамдық кеңестің кезекті отырысы өтті. Отырысқа аудан әкімінің орынбасары Е.Кажиев, Қоғамдық кеңес мүшелері қатысты.
Қазақстан Республикасының «Қоғамдық кеңестер туралы» Заңына сәйкес,  Қоғамдық кеңестің резервтік тізіміндегі Амангалиева Фарида Хафизқызы аудандық Қоғамдық кеңес мүшелігіне қабылданды.
Күн тәртібінде жеті мәселе қаралды.  
Аудандық экономика және қаржы бөлімінің басшысы А.Семенов Жаңақала ауданының ауылдық елді мекендеріне жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, ауылдық округтер әкімдері аппараттарының мемлекеттік қызметшілеріне тұрғын үй сатып алуға немесе салуға 2026 жылға бюджеттік кредит беру және бір жолғы көтерме жәрдемақы беру туралы және аудандық тұрғын үй, коммуналдық шаруашылық, жолаушылар көлігі және автомобиль жолдары бөлімінің басшысы Н. Тлекқабылов Жаңақала ауданы әкімдігінің «Жаңақала ауданы бойынша жалпыға ортақ пайдаланылатын аудандық маңызы бар автомобиль жолдарының атаулары мен индекстерін бекіту туралы» 2022 жылғы 28 қаңтардағы №8 қаулысына өзгерістер енгізу туралы хабарламаларын жасап, жобаларына ұсынымдар берілді. Жаңажол ауылдық округінің әкімі Д.Мерешов Жаңажол ауылдық округ әкімінің 2025 жылы атқарған жұмыстарының есебі туралы, Жаңақала ауылдық округінің әкімі А.Ишанов және  аудандық сәулет, қала құрылысы және құрылыс бөлімінің басшысы Е.Ғалиев көрсетілетін мемлекеттік қызметтердің сапасы туралы, «Qazaqgaz aimaq» акционерлік қоғамы Батыс Қазақстан өндірістік филиалы Жаңақала газ шаруашылығының басшысы Ж.Жақсымбетов, аудандық электр торабының басшысы С.Габдуллин 2025 жылы атқарылған жұмыстарының есебі туралы баяндамаларын жасады. 
Қоғамдық кеңес мүшелері күн тәртібіндегі мәселелер бойынша сұрақтарын қойып, өз ұсыныс-пікірлерін білдіріп, тиісті ұсынымдар беріліп, отырыс өз жұмысын қорытындылады.

Фото

Previous Next