Ауданның өзекті мәселесін билікке жеткізді

Бүгін БҚО қоғамдық кеңесінің кеңейтілген отырысы өтті. Жиынға аймақ басшысының орынбасарлары, өңірдегі барлық деңгейдегі қоғамдық кеңес мүшелері қатысты.
Күн тәртібіндегі бірінші мәселе облыстық қоғамдық кеңестің төрағасы Бауыржан Атауов баяндама жасады. Одан әрі ҚР Президенті жанындағы Ұлттық құрылтай және облыстық қоғамдық кеңестің мүшесі Бауыржан Ғұбайдуллин Қызылорда қаласында өткен алқалы жиында айтылған елдік мәселелерге үн қосу, азаматтық жауапкершілікті терең сезінудің маңызына тоқталды.
Соңғы мәселе облыс әкімінің орынбасары Тілепберген Каюпов атқарушы орган алдағы уақытта да азаматтық қоғаммен жан-жақты байланыс орнатуға дайын екенін мәлімдеп, өңірдің әлеуметтік-экономикалық даму көрсеткіштері туралы баяндама жасады. Қоғамдық кеңес мүшелері тарапынан электр желілерін жаңғырту, мал басын асылдандыру, ауылдарды инфрақұрылыммен қамтамасыз ету, жол-көлік апаттарын азайту мақсатында "Орал-Атырау" бағытында теміржол салу сияқты маңызды мәселелер көтерілді. Ал аудандық қоғамдық кеңес төрағасы Руслан Уразалиев аудан орталығындағы мектептерде оқушы санының өсуіне байланысты жаңа мектеп қажеттілігін және елді мекендерге салынған ауыз су қондырғыларының тоқтап тұрғанын жеткізді. Аймақ басшылығы барлық мәселелерді шешу жолдарын қарастырып, алдағы уақытта жұмыстанатындығын жеткізді

Фото

Previous Next