Новости Казкенес
Новости KazKENESҚАЛАЛЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ.
Бүгін, 2026 жылғы 6 тамыз күні қалалық Қоғамдық кеңестің кезекті отырысы өтті.
Қоғамдық кеңес мүшелері алдымен «Шұғыла» спорт кешені мен қаламыздағы бір қатар көп қабатты тұрғын үй аулаларында орналасқан спорт алаңдарын аралады.
Отырыстың күн тәртібіндегі «Қала аймағындағы бұқаралық спорттың даму деңгейі және спорт алаңдарының мақсатты қолданылуы туралы» мәселесіне байланысты қалалық дене тәрбиесі, спорт және туризм бөлімі бөлімінің басшысы Е.Жантуғанов хабарлама жасады.
Бұқаралық спортты дамыту, салауатты өмір салтын қалыптастыру мақсатында Қызылорда қалалық дене тәрбиесі, спорт және туризм бөлімі Қызылорда қалалық білім бөлімімен деструктивті діни ағым балаларын спорттық іс-шараларға тарту мақсатында жыл көлемінде мектеп оқушыларымен эстафеталық, ұлттық ойын түрлерінен жарыстар өткізу үшін іс-шара жоспары бекітіліп, ұйымдастырылуда.
Халықтың әлеуметтік әлсіз тобы қатарындағы қала тұрғындарын қолдау мақсатында әр ай сайын аз қамтылған, көп балалы отбасындағы балаларға, деструктивті діни ағым балаларын және қала жастарын қолжетімді спорт инфрақұрылымымен қамту бойынша қаражат бөлініп, «Евразия» спорт кешені (жүзу бассейні), «Мұз айдыны» (мұзға сырғанау) және Керемет кешеніне (фитнес) спорт кешендеріне барлығы 12 000 жолдамалар (бір реттік талондар) берілген.
2026 жылы ауқымды спорттық шаралар өткізілді. Атап айтқанда:
Қажымұқан Мұңайтпасұлын еске алуға арналған қазақ күресінен 2006-2008 жылы туған жастар арасында өтетін республикалық турнир өтіп, аталған турнирге 200 спортшы қатысты.
Ы. Алтынсарин атындағы жүлде үшін «Бәріңде жарысқа» атты ұранымен өтетін мектеп оқушылары арасындағы қалалық дәстүрлі жарыс (1-11 сынып) өткізіліп, жарысқа 1300 ге жуық спортшы қатысты.
«Веселая Масленица – Ұлттық спорт және дәстүрлі думаны» тақырыбы аясында ұлттық спорт түрлерінен жарыс өткізіліп, аталған шараға 200 астам қала тұрғыны қатысты.
«Ораза Айт» мерекесі және «Ұлыстың ұлы күні Әз Наурыз» мерекелеріне арналған спорт түрлерінен жарыстар (қазақ күресі, асық ату, бес асық, ләңгі тебу, тоғызқұмалақ, арқан тарту, гір көтеру, қол күрес) өтіп, аталған жарысқа 3280 жуық қала тұрғындары қатысты.
«Құрбан айт» мерекесіне орай қала тұрғындары арасында ұлттық спорт түрлерінен жарыс өткізілді, 4000-ге жуық қала тұрғындары қатысты.
Әлем чемпионы, КСРО-ҒА еңбек сіңірген спорт шебері Сатыбалдиев Марат Қуанбайұлының жүлдесіне арналған тас жолдағы велосипед спортынан 15-16 жас аралығындағы жасөспірім ұлдар арасындағы республикалық веложарыс өткізіліп, жарысқа 200 ге жуық спортшы қатысты.
Қазақстанның еңбек сіңірген жаттықтырушы Ли Валентин Захаровичты еске алуға және КСРО спорт шебері Бадретдинов Раис Салиховичты еске алуға арналған 15-16 жас аралығындағы жасөспірім ұлдар мен қыздар арасында Республикалық веложарыс өткізіліп, 100-ге жуық спортшы қатысты.
«Заң мен тәртіп» идеологиясын жүзеге асыру мақсатында мемлекеттік мекемелердегі қызметкерлер мен әуесқойлар және қала тұрғындары арасында велошеру өткізіліп, аталған шараға 300 астам мемлекеттік мекемелердегі қызметкерлер мен әуесқойлар және қала тұрғындары қатысты.
«24 маусым – Судья және сот қызметкері күні» мен «Қазақстан Республикасының Судиялар одағының құрылғанына 30 жылдығына» арналған судьялар мен сот қызметкерлері арасындағы дәстүрлі спартакиада өткізіліп, 100 ге жуық судьялар мен сот қызметкерлері қатысты.
«Жас құтқарушы» Республикалық слеті Қызылорда облысының Төтенше жағдайлар департаменті қызметкерлері арасында және 15 пен 17 жас аралығындағы ұлдар мен қыздар және ересектер арасында командалық сайыс өткізіліп, 100-ге жуық оқушы қатысты.
Жалпы бұқаралық спорт түрлерімен 2022 жылы шұғылданушылар саны 127 838 адам, яғни 36,6%-ды құраса, 2023 жылы
141 161 адамға жетіп, 39,5%-ды құрады, ал 2024 жылы 155 755 адамға жетіп, 43,1%-ы құраса. 2025 жылы 163 654 адамға жетіп, 44,7%-ы құрады.
Ағымдағы 2026 жылы бұқаралық спорт түрлерімен шұғылданушыларын санын 165 114 адам жетіп, 45,1%-ды құрайды деп күтілуде.
Жиынға кеңес төрағасы М.Кәрімбаев төрағалық етті.
Отырыс «Facebook» платформасы арқылы тікелей эфирден көрсетілді.
Фото
