ЕСЕПТІ ТЫҢДАУ - МЕМЛЕКЕТТІК ОРГАНДАР ҚЫЗМЕТІ НӘТИЖЕЛЕРІН ЖАРИЯ ТАЛҚЫЛАУ. ЖАМБЫЛ ОБЛЫСТЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ ӨТТІ

Жамбыл облыстық Қоғамдық кеңесінің кезекті отырысына қоғамдық кеңес мүшелері, мемлекеттік орган қызметкерлері және БАҚ өкілдері қатысты. 

         Отырыста Жамбыл облысы әкімдігінің жұмылдыру дайындығы, аумақтық және азаматтық қорғаныс басқармасының басшысы Байболат Ерланның жұмыс нәтижелері туралы есебі тыңдалды.

         Есептік тыңдау  барысында  әскери міндет және азаматтық қорғаныс бағыты бойынша атқарылған жұмыстар және әскерге шақыру науқанының қорытындысы айтылып өтті.

         Сонымен қатар, Облыс әкімі аппаратының мемлекеттік көрсетілетін қызметтерді мониторингілеу бөлімінің бас инспекторы Ерсаят Қоңырбай I-II тоқсан қорытындысы бойынша есеп берді.  

         Қорытынды есеп барысында қоғамдық мониторинг нәтижелері бойынша орындалу көрсеткіштері, мемлекеттік қызметтер көрсету саласындағы бірқатар заңбұзушылықтар, профилакикалық жұмыстар бойынша есебі тыңдалды.

         Есепті тыңдау нәтижелері бойынша кеңес мүшелері мемлекеттік органдардың лауазымды адамдарының қызметін олардың құзыретіне кіретін мәселелер бойынша бағалау және аталған мекемелердің қызметін жетілдіру жөнінде ұсынымдар дайындау туралы қарар қабылданды.

Фото

Previous Next