Новости Казкенес
Новости KazKENESҚАЛАЛЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ
Бүгін, 2026 жылғы 23 қыркүйек күні қалалық Қоғамдық кеңестің кезекті отырысы өтті.
Жиынға кеңес мүшелерімен қатар, дербес бөлім басшылары, мекеме басшылары, кент және ауылдық округ әкімдері және бұқаралық ақпарат құралдарының өкілдері қатысты.
Күн тәртібіне:
1. «Дипломмен ауылға» бағдарламасының Қызылорда қаласына қарасты кент, ауылдық округтерде іске асырылуы туралы.
2. «Қызылжарма және Қызылөзек ауылдық округтердің әлеуметтік-экономикалық даму жоспарларының іске асырылу барысы туралы».
3. «2026-2028 жылдарға арналған Қызылорда қаласының бюджетін бекіту туралы» Қызылорда қалалық мәслихатының 2025 жылғы 19 желтоқсандағы №314-45/1 шешіміне өзгерістер енгізу туралы.
4. «2026-2030 жылдарға арналған Қызылорда қаласының даму жоспарын бекіту туралы» Қызылорда қалалық мәслихатының 2025 жылғы 25 желтоқсандағы №341-47/1 шешіміне өзгерістер енгізу туралы мәселелер ұсынылды.
«Дипломмен ауылға» бағдарламасының Қызылорда қаласына қарасты кент, ауылдық округтерде іске асырылуы бойынша қалалық ауыл шаруашылығы және жер қатынастары бөлімінің басшысы М.Әжібеков хабарлама жасады.
Жалпы, «Дипломмен ауылға» бағдарламасы аясында 2026 жылға 110 маманға арналған 47,5 млн теңге көтерме жәрдемақы бөлінді. Бүгінгі күнге 74 маман (білім беру – 58, денсаулық сақтау – 9, әлеуметтік сала – 1, спорт – 4, АӨК – 2) қолдау алды.
Сондай-ақ тұрғын үй сатып алуға бюджеттік кредит бойынша 30 маманға 259,5 млн теңге бөлініп, 15 маманға қаржыландыру жүргізілуде.
Қызылжарма ауылдық округінің әлеуметтік-экономикалық даму жоспарларының іске асырылу барысы туралы Қызылжарма ауылдық округінің әкімі Ш.Әбдірахманов хабарлама жасады.
2026 жылы бюджет жоспары 1 млрд 675,8 млн теңгеге дейін нақтыланды, салықтық түсім 56,8 млн теңге құрады.
Кәсіпкерлік: 83 субъект жұмыс істейді, «Іскер», «Байқоңыр» бағдарламалары арқылы жобаларға 100 млн теңгеден астам қолдау көрсетілді.
Әлеуметтік сала: 137 отбасыға (771 адам) 70,4 млн теңге атаулы көмек берілді.
Инфрақұрылым: 14 көшеге қайта жаңғырту жұмыстарына 1 млрд 474 млн теңге, тағы 67 көшеге электр желісін жаңғыртуға 1 млрд 915 млн теңге бөлінді. Балалар ойын алаңдары салынуда.
Қызылөзек ауылдық округінің әлеуметтік-экономикалық даму жоспарларының іске асырылу барысы туралы Қызылөзек ауылдық округінің әкімі С.Әбдіжаппар хабарлама жасады.
2026 жылғы бюджет – 324,4 млн теңге, салық жоспары 88,7%-ға орындалды.
Кәсіпкерлік: 212 субъект жұмыс істейді, «Ауыл аманаты» және басқа бағдарламалар арқылы тұрғындар 56,8 млн теңге несиеге қол жеткізді.
Ауыл шаруашылығы: 9176 бас мал, 476 га егістік жер.
Инфрақұрылым: электр желісін жаңғыртуға (жалпы құны 1,19 млрд теңге), жол құрылысына (181,7 млн теңге) қаражат бөлінді. 21 көшенің 14-і асфальтталған, 18-і жарықтандырылған.
Алдағы жоспар: елді мекендерді газдандыру жобасы (1,8 млрд теңге).
«2026-2028 жылдарға арналған Қызылорда қаласының бюджетін бекіту туралы» Қызылорда қалалық мәслихатының 2025 жылғы 19 желтоқсандағы №314-45/1 шешіміне өзгерістер енгізу туралы және «2026-2030 жылдарға арналған Қызылорда қаласының даму жоспарын бекіту туралы» Қызылорда қалалық мәслихатының 2025 жылғы 25 желтоқсандағы №341-47/1 шешіміне өзгерістер енгізу туралы қаланың экономика және қаржы бөлімінің басшысы Г.Баймаханова хабарлама жасады.
«2026-2028 жылдарға арналған қалалық бюджет туралы» шешімге өзгерістер енгізілуде. Қала әкімдігінің қаулыларына сәйкес бюджет кірісі жалпы 3,3 млрд теңгеден астамға өсіп, 229,4 млрд теңгені құрады.
Үнемделген 290,7 млн теңге негізінен:
мүгедектігі бар адамдарды гигиеналық құралдармен қамтамасыз етуге – 77,7 млн тг
қала санитариясын қамтамасыз етуге – 194,2 млн тг бағытталады.
Қала дамуының бесжылдық жоспарына өзгерістер енгізілуде:
Инженерлік инфрақұрылымды дамытуға 14 жаңа жоба қосылды
7 инвестициялық жобаны жалғастыруға қосымша қаржы бөлінді
Тағы 21 жоба жүзеге асырылуда
Жалпы қажетті қаржы көлемі 562,3 млрд теңгеден 651,4 млрд теңгеге дейін ұлғайтылды, оның ішінде 2026 жылға – 172,9 млрд-тан 262 млрд теңгеге дейін.
Жиынға кеңес төрағасы М.Кәрімбаев төрағалық етті.
Фото
