Новости Казкенес

О повышении ответственности акимов сел и сельских округов Павлодарского района за реализацию рекомендаций Общественного совета Павлодарского района

Қоғамдық кеңестің ұсынымдарын орындағаны үшін әкімдердің жауапкершілігін арттыру туралы

Павлодар ауданының Қоғамдық кеңесінің отырысында Қоғамдық кеңесінің ұсынымдарын іске асырғаны үшін Павлодар ауданының ауылдары мен ауылдық округтері әкімдерінің жауапкершілігін арттыру туралы  мәселе қаралды.

Бүгінгі таңда Павлодар ауданының Қоғамдық кеңесінің отырыстарында 55 мәселе қаралды, оның ішінде ауданның өзекті мәселелері бойынша 23 сұрақ. Қаралған мәселелер бойынша қабылданған ұсынымдар ауылдар мен ауылдық округтердің әкімдеріне орындау үшін жіберілген.

Алайда, барлық ұсыныстарға олардың орындалуы туралы ақпарат келген жоқ. Атап айтқанда, Мичурин ауылдық округі әкімінің аппараты 6 ұсыныс бойынша, Григорьевка, Заңғар, Рождественка, Шақат  округ әкімдерінің аппараты 2 ұсынымдар бойынша ақпарат берген жоқ.

Қоғамдық кеңестің төрағасы Б. Т. Баткеев ҚР "Қоғамдық кеңестер туралы" ҚР Заңына сәйкес қоғамдық кеңестердің ұсынымдары мемлекеттік органдардың қарауы үшін міндетті болып табылатынын атап өтті.

Мәселені талқылаудың қорытындысы бойынша Қоғамдық кеңес Ефремовка, Ольгинка ауылдырының, Григорьев, Заңғар, Луганск, Мичурин, Рождественка, Шақат ауылдық округтерінің әкімдеріне 2026 жылғы 5 қазанға дейін Қоғамдық кеңестің уақтылы ұсынылмаған ұсынымдарын іске асыру туралы ақпарат беру ұсынды.

Сондай-ақ, Кеңес отырысында нормативтік құқықтық актілердің  жобалары талқыланды: Павлодар ауданы Ольгинка, Ефремовка ауылдарының, ауылдық округтерінің жергілікті қоғамдастық жиналысының регламентін бекіту туралы және Павлодар ауданы ауыл, ауылдық округтердің аумағында жергілікті қоғамдастықтың бөлек жиындарын өткізудің қағидаларын және жергілікті қоғамдастық жиынына қатысу үшін ауылдар тұрғындары өкілдерінің сандық құрамын бекіту туралы.

Аталған мәселелер бойынша Павлодар ауданы әкімі аппаратының мемлекеттік-құқықтық бөлімінің басшысы Е. Б. Сманқұлов хабарлады.

Қаралған НҚА жобалары бойынша оң қорытынды берілді.

 

 

 

 

 

 

Фото