Қоғамдық кеңестер саябағы

Ақтөбе облыстық Қоғамдық кеңесі мамыр айында елімізде қоғамдық тұрақтылықтың сақталуы мен азаматтық белсенділіктің дамуына, халықтың өзекті мәселелерін шешу бағытында қызмет атқаратын Қоғамдық кеңестердің құрылғанына 10-жылдығы аясында ауқымды шараны бастады. Мамыр айында Қоғамдық кеңес төрағасы, қазіргі таңда ҚР Құрылтайының депутаты Т. Талаева және кеңес төрағасы С. Құрманалиннің ұсынысымен облыс әкімшілігінің қолдауымен Ғ.Жұбанова көшесі мен Тәуелсіздік даңғылы қиылысындағы аумақта кеңес мүшелері 250ден аса алма ағашы отырғызылып, Қоғамдық кеңес белсенділерінің аллеясының негізін қаланды. Жаз бойы Қоғамдық Кеңес мүшелері аллеяны абаттандырып, көгалдандыруды жүйелі түрде жүргізді. Қоғамдық кеңес мүшелері а.ж. 3 қазанында ҚР Құрылтайының депутаты Т.Талаева әріптестеріме кездесіп, жұмыс барысында аллеяда алма ағаштарын егіп, абаттандыру жұмыстарына қатысты, бұл жұмысты бақылауда ұстайтынын жеткізді. Қоғам белсенділерінің ағаш көшеттерін отырғызу барысында қала тұрғындары да қызығушылық білдіріп, көшеттерді күтімге алуға және үздіксіз бақылауға ынта білдірді. Қоғамдық кеңес жоспарында аллеяны көгалдандыру аймағын үлкейту және күтімін бақылауда ұстау тұр. Бұл іс-шара бір реттік жұмыс емес, нәтижесінде қаламыздың көркейіп дамуына кеңес мүшелері үлкен үлес қосқан болашаққа инвестиция, яғни өскелең ұрпақты табиғатты қорғау, туған жерге сүйіспеншілік, еңбекке құрмет, ұрпақтар сабақтастығына тәрбиелеуді мақсат тұтқан үлкен бастама.

Фото

Previous Next