ҚОҒАМДЫҚ КӨЛІК САПАСЫ НАЗАРДА: ҚОҒАМДЫҚ КЕҢЕС МҮШЕЛЕРІ МОНИТОРИНГ ЖҮРГІЗДІ

Бүгін, 22 қазан күні, Қызылорда қалалық Қоғамдық кеңес мүшелері тиісті сала өкілдерімен бірге қаламыздағы қоғамдық көлік қызметінің сапасы мен автобус паркінің жұмысына арнайы мониторинг жүргізді.

Кеңес мүшелері тұрғындар тарапынан әлеуметтік желілер мен ресми арналар арқылы арыз-шағымдар жиі түсетін негізгі проблемалық аумақтарды, аялдамалар мен маршрут бағыттарын тексерді.

Атап айтқанда:

• Қоғамдық көліктерді бекітілген кестеге сай жүруі мен интервалдың сақталуы;

• Таңертеңгі және кешкі қарбалас уақыттағы жолаушылар сыйымдылығы;

• Тұрғындар үшін қоғамдық көліктің жалпы қолжетімділігі мен қызмет көрсету мәдениеті.

Мониторинг аясында аялдамаларда көлік күткен қала тұрғындарымен тікелей тілдесіп, олардың ұсыныстары тыңдалды. Мониторинг барысында анықталған барлық өзекті мәселелер мен жинақталған ақпараттар негізінде алдағы кезекті отырыста арнайы ұсыныстар дайындалып, жауапты мекемелерге жолданатын болады.

Фото

Previous Next