Қариясы бар ел- қазыналы ел

Қариясы бар ел- қазыналы ел Ағымдағы жылдың қазан айының 14 жұлдызында қарттар айлығы аясында Егіндікөл ауданы Әкімдігі ауқымды мәдени-танымдылық іс-шараны жүзеге асырды. Аудан орталығынан, аудан құрамына кіретін елді мекендерден келген қадірлі қонақтар үшін ақ дастархан жайылып ас берілді. Жиналған қауым естеліктерін айтып, аудандық мәдениет ұжымы дайындаған шағын концерттік бағдарламаны тамашалады.
Қазыналы қариялар жастарға берген тәлім-тәрбиесі, ауданның дамуына қосқан үлестері үшін облыстық ардагерлер кеңесі, Егіндікөл ауданы әкімінің Алғыс хаттарымен марапатталды.
Іс-шара соңында қария ақсақалдар мен ақ жаулықты аналар естелік фотосуретке түсті. Іс-шара соңында сөз алған қазыналы қарттар ұйымдастырушыларға алғыстарын айтып, ақ баталарын берді. Осындай қарты бар Егіндікөл ауданының өскелең ұрпағы саналы да тәрбиелі болары сөзсіз.
Н.Аубакиров,
Егіндікөл аудандық қоғамдық кеңесінің мүшесі

Фото

Previous Next