Новости Казкенес
Новости KazKENES«АДАМ. ӨМІР. ОЙ.» КІТАБЫНЫҢ ТҰСАУКЕСЕРІ ӨТТІ
«АДАМ. ӨМІР. ОЙ.» КІТАБЫНЫҢ ТҰСАУКЕСЕРІ ӨТТІ
Сарыағаш аудандық орталық кітапханасында аудандық қоғамдық кеңестің мүшесі, «Сарыағаш» газетінің бас редакторы Бақдәулет Айдағараевтың «Адам. Өмір. Ой.» атты алғашқы кітабының тұсаукесер рәсімі өтті.
Рухани-мәдени шараға Қазақстан Республикасы Журналистер одағының төрағасы Мәлік Алмахан, аудан әкімінің орынбасары Алдияр Хайбилдаұлы, жазушы Сейд-Омар Саттаров, ауданның Құрметті азаматы, Қазақстан Жазушылар одағының мүшесі Әбілсапар Тұрғынбаев, аудандық қоғамдық кеңестің мүшелері, мәдениет саласының өкілдері мен кітапсүйер қауым қатысты.
Кітаптың тұсаукесерінде автордың шығармашылығы мен еңбегінің маңызы сөз болып, қатысушылар ізгі тілектерін білдірді. Сонымен қатар мәдениет саласының өкілдері кітаптан үзінділерді сахналық қойылым арқылы ұсынып, көрермендерге ерекше әсер сыйлады.
Шара барысында аудандық қоғамдық кеңес атынан Бақдәулет Айдағараевқа қоғамдық өмір мен руханият саласына қосқан үлесі үшін алғыс хат табысталды.
Кітап – адам мен өмірді тануға, ойды тереңдетіп, рухани құндылықтарды дәріптеуге жол ашатын қазына. «Адам. Өмір. Ой.» кітабының жарық көруі – оқырман қауым үшін де, ауданның рухани-мәдени өмірі үшін де маңызды оқиға.
Авторға шығармашылық табыс, толымды ой мен жаңа кітаптар тілейміз!
Фото
