Новости Казкенес

Қоғамдық кеңес отырысы өтті


Қоғамдық кеңес отырысы өтті

Ағымдағы жылдың 20 қараша  күні Г.Тұрғаналиевтың төрағалығымен Қоғамдық кеңес отырысы өтті. Кеңес отырысына кеңес  мүшелері,  аудан әкімінің орынбасары Алихан Асқарұлы Каиров, Тасқала аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімінің басшысы Асылхан Қайырлыұлы Нурмуханов, «Тасқала аудандық коммуналдық шаруашылығы» МКК басшысы Альмир Тлепбергенұлы Жумагулов, Тасқала аудандық жер қатынастары бөлімінің басшысы Айнагүл Тілегенқызы Губашева, Тасқала аудандық жұмыспен қамту және әлеуметтік бағдарламалар бөлімі  басшысының м.а. Аэлита Гумаровна Абулхаирова және аудан әкімі аппаратының ақпараттық технологиялар бөлімінің басшысы Назым Ерболатқызы Курмышева қатысты.

Күн тәртібіндегі  бірінші  мәселе бойынша аудан әкімі аппаратының ақпараттық технологиялар және мемлекеттік қызметтер мониторингі  бөлімінің басшысы Н.Курмышева «Мемлекеттік қызметтердің сапасы мен қолжетімділігін арттыру туралы»  есебімен таныстырды. Қоғамдық кеңес мүшелері баяндаманы талқыға салып, ұсыныс пікірлерімен бөлісті.

Келесі   мәселе  бойынша  Тасқала аудандық жер қатынастары бөлімінің басшысы А.Губашева Халықтың жеке қосалқы шаруашылығында ұстайтын ауыл шаруашылығы жануарларын жаю қажеттіліктерін қанағаттандыру үшін Тасқала ауданы, Амангелді және Шежін ауылдық округтері аумағында орналасақан ауыл шаруашылығы мақсатындағы жер учаскелерін Амангелді ауылдық округі-690,0 га (жайылым жерлері) және Шежін ауылдық округі – 467,0 га (жайылым жерлері) резервке қоюға келісім беру туралы баяндап, комиссия мүшелері бірауыздан келісім берді.

Күн тәртібіндегі үшінші  мәселе  бойынша   Тасқала аудандық жұмыспен қамту және әлеуметтік бағдарламалар бөлімі  басшысының м.а. А.Абулхаирова бөлім бойынша мемлекеттік көрсетілетін қызметтері туралы және оның сапасын арттыру бойынша және сыбайлас жемқорлыққа қарсы іс-қимыл бағытындағы есебімен таныстырды. Комиссия мүшелері есепті қаперге алып,  мемлекеттік көрсетілетін қызметтердің уақытылы көрсетілуін бақылауға алынып, сапалы көрсетілуі және сыбайлас жемқорлыққа жол берілмей, түсіндіру жұмыстары үнемі жүргізіліп отырылуын және қамтамасыз етілуі қажеттілігі туралы айтты.

Келесі мәселелер бойынша Тасқала аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімінің басшысы А.Нурмуханов және  «Тасқала аудандық коммуналдық шаруашылығы» МКК басшысы А. Жумагуловтың  2026 жылғы атқарылған және жоспардағы атқарылатын жұмыстары туралы есептері тыңдалды. Қоғамдық кеңес мүшелері баяндамаларды талқыға салып, ұсыныс пікірлерімен бөлісті.

 

 

 

Фото