Бірлескен аудандық мәслихатының тұрақты комиссиясының отырысы

---

2022 жылғы 20 желтоқсан күні аудандық мәслихаттың әлеуметтік-экономикалық даму мәселелері, бюджетті жоспарлау және әлеуметтік-саясат жөніндегі комиссиясының төрағасы Д.Б. Төлеутаевтың төрағалығымен Баянауыл аудандық мәслихатының тұрақты комиссияларының отырысы өтті. Отырысқа аудандық мәслихатының депутаттары, ауданның Қоғамдық кеңесінің мүшелері, аудан әкімінің орынбасары С.Қ. Қадырова, Майқайың кенті мен ауылдық округтерінің әкімдері, ауданның мемлекеттік мекеме басшылары мен есепшілері  қатысты. Күн тәртібіндегі «Баянауыл аудандық мәслихатының 2021 жылғы 24 желтоқсандағы «2022-2024 жылдарға арналған Баянауыл аудандық бюджеті туралы» № 78/11 шешіміне өзгерістер енгізу туралы» мәселесі бойынша аудандық бюджет қаражатын тиімді пайдалану мақсатында өзгерістер мен толықтырулар ұсынылды. Бюджетті сапалы орындау мақсатында кіріс бөлігі меншікті кірістер мен жоғары тұрған трансферттердің азаю мен ұлғаюын ескере отырып, тұтастай алғанда 125034,0 мың теңге сомасына азайды. Сонымен қатар, «2023-2025 жылдарға арналған Баянауыл аудандық бюджеті туралы» мәселе де талқыланды, 2023 жылға кірістердің болжамды көлемі – 6 119 712,0 мың теңгені құрады. Депутаттар мен Қоғамдық кеңесі мүшелерінің тарапынан айтылғаны Шонай ауылындағы жол және ауыз су проблемалық мәселелерін шешу, Баянауыл, Қаратомар ауылдарындағы кейбір су құбырларының жағдайлары туралы, қысқы кезеңде автомобиль жолдарды тиісті түрде қардан тазалап ұстап тұру және кейбір  ауылдық округтерінде орнатылмаған балаларға арналған ойын алаңдарына, Қаратомар ауылдық округінде өрт сөндіру бекетін ұстауға аудан бюджетіне қаражат қарастырылуы ұсынылды. Үшінші талқыланған мәселе «2023 жылға арналған Баянауыл ауданының ауылдық елді мекендеріне жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік  кешен саласындағы мамандарға кенттер, ауылдық округтер әкімдері аппараттарының мемлекеттік қызметшілеріне әлеуметтік қолдау шараларын көрсету туралы».