Тараз қалалық Қоғамдық кеңес қоғамдық көліктің ахуалын талқылады

---

Кеңейтілген отырыс барысында Тараз қаласындағы қоғамдық көлікке жүргізілген мониторинг нәтижелері жарияланды.

Ол бойынша маршрутты бағыттарда интервалдың сақталмауы, автобустардың толық құрамда жолға шықпауы, жүргізушілер мәдениетінің төмендігі, біркелкі формасының болмауы, қолма-қол қаражатқа билеттердің берілмеуі, одан түскен сома айналымы ауқымының мүлдем белгісіздігі, жолда жүру тәртібінің сақталмауы, көліктердің тазалығына мән берілмеуі, тасымалдаушылар қызметін субсидиялауда автобустары да, оларды орналастыратын базасы да жоқ мекемелерге де қаржылай қолдау көрсетілгені және тағы да басқа қалыптасқан өзекті мәселелер сын тезіне ілінді.

Отырыс нәтижесі бойынша Тараз қаласының әкімі Б.Орынбеков Тараз қалалық Қоғамдық кеңестің тарапынан айтылған ескертпелермен келісетіндігін және оларды жою бойынша кез-келген тұщымды ұсыныстарды ескеруге әзір екендігін жеткізді