АТЫРАУ ОБЛЫСТЫҚ ҚОҒАМДЫҚ КЕҢЕСІНІҢ 3-ШІ ОТЫРЫСЫ ЭКОЛОГИЯҒА АРНАЛДЫ

---

  Ағымдағы жылдың 4 сәуірі күні өткен Кеңес отырысына облыс әкімінің орынбасары Ж.Бисембиев, Экология департаментінің басшысы Ә.Бекмұхамбетов, Табиғи ресурстар және табиғат пайдалануды реттеу басқармасы басшысының орынбасары Н.Қалиева, Атырау облысының мамандандырылған табиғат қорғау прокурорының орынбасары С.Жанаділов, Денсаулық сақтау басқармасының басшысы м.а Қ.Абдалиев, Төтенше жағдайлар министрлігі өнеркәсіптік қауіпсіздік комитетінің Атырау облысы бойынша департаментінің орынбасары м.а Н.Әлиев, Атырау облыстық орман шаруашылығы және жануарлар дүниесі аумақтық инспекциясының басшысы Р. Дәулетов, "АқЖайық" мемлекеттік табиғи резерваты Республикалық мемлекеттік мекемесінің директоры Н.Каримов, Төтенше жағдайлар департаменті басшысының орынбасары А. Ержанов, санитарлық эпидемиологиялық бақылау департаментінің басшысы М.Танауов, Атырау қалалық маслихатының бір топ депутаттары, Атырау мұнай өңдеу зауытының директоры М.Досмұратов, NCOC компаниясының денсаулық, еңбек, қоршаған ортаны қорғау және қауіпсіздікті қамтамасыз ету бойынша департаментінің директоры У.Жанайсов, "Теңізшевройл" ЖШС-ң жауапты өкілдері қатысты.

   Күн тәртібінде кеңестің 2023 жылға жұмыс жоспарына сәйкес көтерілген мәселе "Ірі табиғат пайдаланушы кәсіпорындармен табиғат қорғау шараларының орындалуы туралы" атқарылған жұмыстары туралы. Бұл тақырыпта облыстық Экология департаментінің басшысы   Ә. Бекмұхамбетов департаменпен 2022-2023 жылдың бүгінгі таңда атқарған жұмысын баяндады.

   Атырау облысында барлығы 46 ауа сапасын бақылау станциясы бар. Соның ішінде: Казгидрометтің балансында- 11станция, "АМӨЗ" ЖШС-4, "NCOC" компаниясында-19, "ТШО" ЖШС-де-12; Казгидрометтің деректері бойынша, 2022 жылы Атырау қаласы мен Мақат ауданында орналасқан орналасқан "NCOC" компаниясының автоматты станциялары бойынша атмосфералық ауаның күкіртсутегімен 167 және 0 экстремалды жоғары ластануы тіркелген, Мақат ауданы бойынша 42 жағдай тіркелген.

 Бас Экологтың айтуы бойынша Атырау қаласындағы атмосфералық ауаны күкіртсутегімен жоғары ластаудың негізгі көздері "Атырау облысы Су арнасы" және "АМӨЗ" ЖШС не тиесілі қаланың сол жағалауындағы "Тухлая балка" булану алаңы, оң жақ бөлігіндегі "Квадрат" булану алаңы", "Атырау мұнай өңдеу зауыты" ЖШС, "Қазтрансойл"АҚ, кәріздің сорғы станциялары, қатты тұрмыстық қалдықтар полигоны және қамыстың өртенуі болып табылады.

   Мақат ауданында күкірт сутегінің ауаның жоғары ластанулардың негізгі көзі "NCOC" HB компаниясының "Болашақ" зауыты, сұйық технологиялық қалдықтарды орналастыру алаңы, "Батыс Ескене темір жол кешені" . 28 наурыз күні Атырау қаласында орын алған жағымсыз иіске байланысты департамент, Атырау табиғат қорғау прокуратурасымен бірлесе ауа сапасына бақылау жасап күкіртсутегінің рұқсат етілген шекті нормасынан 4 есе жоғары фактісін анықтаған.

    Экологиялық заңнамаға сәйкес 2023 жылдың 3 айында 11 заң бұзушылық анықталып, 3 984 750 тенге айыппұл салынған. 2022 жылы "АМӨЗ"- ден экологиялық заңнаманы бұзғаны үшін 100 672 074 тенге әкімшілік айыппұл өндірілген. Департамент 2022 жылы "АМӨЗ" ЖШС- не ӘҚБ Кодексінің 328 бабы 3 тармағымен қоршаған ортаға эмиссиялардың нормативтері бір жыл ішінде жүйелі түрде екі реттен асырғаны үшін жауапкершілікке тартқан. Атырау қалалық сотымен экологиялық рұқсат қолданысын 1 айға тоқтата тұрып, 5 626 100 тенге айыппұл салынған. "АМӨЗ" ЖШС-і сот қаулысымен келіспей апелляциялық шағым түсірген. Облыстық сот "АМӨЗ" ЖШС-нің апелляциялық шағымын қанағаттандырып, іс қысқартылған. Бүгінде департамент облыстық сотқа кассациялық тәртіппен қайта қарау үшін Жоғары сотқа наразылық арызын жолдаған. 2023 жылы "АМӨЗ" ЖШС-не алау қондырғысында газ жағу кезінде қоршаған ортаға нормаланбаған эмиссияларды жүзеге асырғаны үшін қайталап Әкімшілік құқық бұзушылықтар туралы Кодексінің 328 бабы, 3 тармағымен іс қозғалған. Атырау қаласының соты жауапкершілікке тартқан.

    Облыстық Экология департаменті "АМӨЗ" ЖШС -не, " NCOC" компаниясына, ТШО ЖШС-не қатысты ұсыныстар енгізді.

  Кеңестің Экология, табиғат пайдалану және аграрлық мәселелері жөніндегі комиссия төрайымы Ш.Изтелеуова бүгінгі күнде облыс орталығы тұрғындарының бас қайғысына айналған экологиялық мәселелерді шешу бағытында кеңес мүшелерінің, қоғам белсенділерімен бірлескен облыс әкімдігіне, ірі табиғат пайдаланушы компанияларға, облыстық маслихат депуттарына, Экология министрлігіне, облыстық төтенше жағдайлар және денсаулық сақтау, Ішкі саясат басқармаларына ұсыныстар білдірді.

Кеңесті ашып, жүргізген төраға М.Ізбасов бұл ұсыныстар Қарарға енгізіліп тиісті құзырлы мекемелерге жолданатындығын айтты.

Облыс әкімінің орынбасары Ж. Бисембиев Кеңес отырысының Атырау қаласының экологиясында орын алған жағдайлармен тұспа-тұс келіп жатырғанын, бұл жиынның өзгеше өтуі мүмкін емес екендігін, сол себепті сын болғандығын, тартысты өткендігін, бұл қоғамның көңіл күйі, наразылығы, экологиялық ахуал көрінісі екендігін атап өтті және кеңесте экологиялық мәселенің талқылануы өте орынды екендігін атады. Жылдар бойы қалыптасқан проблеманы шешу үшін жүйелі жұмыс қажеттігін айтып, мемлекеттік органдармен қоғамдық күштер бірлесіп қызмет етуге, экологиялық сауаттылықты арттыру бағытында жобаны жүзеге асыруды ұсынды.

Төраға М.Ізбасов бірлесіп жұмыс жасауға облыстық Қоғамдық кеңестін дайын екендігін жеткізіп, кеңес отырысын қорытындылады.

Атырау Облыстық Қоғамдық кеңесі