ҚАЛАЛЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

---

 

Бүгін қалалық Қоғамдық кеңестің кезекті отырысында үш мәселе қаралып, талқыланды. Атап айтқанда:

1. Қалалық мәдениет және спорт бөлімімен көрсетілетін мемлекеттік қызметтер бойынша 2023 жылдың І тоқсанында атқарылған жұмыстары туралы есебі;

2. Әкімшілік-аумақтық бірліктердің құрамдас бөліктерін қайта атау және атау беру бойынша қалалық әкімдік жанындағы ономастикалық жұмысшы тобының қорытындысына келісім беру туралы;

3. Қызылорда қаласының жұмыспен қамту, әлеуметтік бағдарламалар және азаматтық хал актілерін тіркеу бөлімімен көрсетілетін мемлекеттік қызметтер бойынша 2023 жылдың І тоқсанында атқарылған жұмыстары туралы есебі.

Күн тәртібіндегі бірінші және екінші мәселелер бойынша қалалық мәдениет және спорт бөлімінің басшысы Ж.Тажмаханов бөліммен көрсетілетін мемлекеттік қызметтер туралы және онамастикалық комиссияның қорытындысы бойынша хабарлама жасады.

Қазіргі таңда, Қызылорда қаласының мәдениет және спорт бөліміне 2023 жылдың І тоқсанында түскен 36 өтініш бойынша мелекеттік қызмет көрсетілуде.

Оның ішінде, спортшыларға біліктілік разрядтарын беру жөнінде қызмет көрсетілген.

Бұдан бөлек, Онамастикалық жұмысшы тобының қорытындысы бойынша кеңес мүшелері көшелерге атау берудің тәртібін өзгертуге қатысты жоғары тұрған органдарға ұсыныс беру қажеттігі туралы мәселені көтерді.

Күн тәртібіндегі үшінші мәселе бойынша Қызылорда қаласының жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы К.Құрақбаева «Қызылорда қаласының жұмыспен қамту, әлеуметтік бағдарламалар және азаматтық хал актілерін тіркеу бөлімімен көрсетілетін мемлекеттік қызметтер бойынша 2023 жылдың І тоқсанында атқарылған жұмыстарға» тоқталды. Қала бойынша 28 мемлекеттік қызмет түрлері көрсетілуде. Оның 13-і әлеуметтік төлемдер, 8-і азаматтық хал актілерін тіркеу, 6-ы жұмыспен қамту және 1-і көші-қон бағытында. Қызылорда қаласында 2023 жылдың 1 мамырындағы статистикалық мәліметке сәйкес 351 246 адам тіркелген болса, оның ішінде 32 004 зейнеткер, 11 060 мүгедектігі бар адамдар және 5 331 атаулы әлеуметтік көмек алушыларды құрайды.

Бөлім арқылы жыл басынан бері барлығы 53 104 мемлекеттік қызмет, 46 174 «Электронды үкімет порталы» арқылы, 5026 «Азаматтарға арналған үкімет» мемлекеттік корпорациясы арқылы, 1904 бөлім арқылы жүзеге асырылды. Яғни, көрсетілген қызметтердің 92,5 пайызы «Электронды үкімет порталы» арқылы көрсетілуде.

Отырысты қоғамдық кеңестің төрағасы Дүйсенбаев Серік Әбішұлы жүргізіп отырды.