Тараз қалалық Қоғамдық 2021 жылдың өткен мерзімі аралығында атқарған жұмыстары туралы АҚПАРАТ

---

Қазақстан Республикасының 2015 жылғы 2 қарашадағы «Қоғамдық кеңестер туралы» №383-V заңына жəне Қазақстан Республикасы Үкіметінің 2015 жылғы 31 желтоқсандағы «Қоғамдық кеңес туралы үлгілік ережені бекіту туралы» №1194 қаулысына сəйкес құрылған Тараз қалалық қоғамдық кеңесінің мүшелері 2020 жылдың қазан айына дейін 17 адам болатын.

Өткен жылдың қазан айында кеңес құрамы сан жағынан ұлғайып, екі адаммен толықтырылып 19 адамды құрады. Оның бірі Мемлекет басшысының Жолдауында айтылған қоғамдық кеңестердің құрамына түрлі әлеуметтік топ өкілдерін, солардың ішінде мүмкіндігі шектеулі азаматтарды араластыру жөніндегі талаптарына сәйкес енгізілген 1986 жылы туылған Дәулетбаева Әйгерім Маратбекқызы - Тараз қалалық мүгедек жастар қоғамының төрайымы - қаланы дамыту бағдарламаларының жобаларын бақылау саласында сыбайлас жемқорлыққа байланысты болған жайттардың ашықтығын қамтамасыз етуде, мемлекеттік саясатты жүзеге асыру және жетілдіру бойынша жұртшылықтың пікірін батыл жеткізіп жүрген қоғам белсенділерінің бірі. Ол бүгінде қалалық мәслихаттың жетінші шақырылымының депутаты міндетін абыроймен қоса атқаруда.

Кеңестің құрамына түрлі әлеуметтік топ өкілдері, мемлекеттік қызмет, қоғамдық жұмыс, өндіріс саласында мол тәжірибелері бар азаматтар іріктеліп алынған. Олардың 18-і (88,1%) - коммерциялық емес ұйым өкілдері араларынан конкурстық негізде сайланғандар, 1-і (1,9%) - мемлекеттік органдар өкілі.

Кеңес мүшелерінің 33 пайызы 60 жасқа дейінгі азаматтар, 37 пайызы әйелдер, 15,7 пайызы жастар. Қоғамдық кеңестің құрамында 3 ұлттың өкілдері бар: қазақтар -16, өзбек-1, поляк-1.

Қоғамдық кеңес мүшелерінің барлығының білімі жоғары.

Қоғамдық кеңестің 7 мүшесінен төралқа құрамы сайланған. Оның құрамында Қоғамдық кеңестің төрағасы, хатшысы, қалалық мәслихаттың хатшысы, кеңестің 3 комиссиясының төрағалары және комиссия хатшыларының арасынан 1 адам төралқа құрамына енгізілді. Қоғамдық кеңес жанынан бюджет, тарифтік саясат, жемқорлықпен күрес, көші-қон, заңдылық пен құқықтық тәртіп жөніндегі; ауыл шаруашылығы, жер қатынастары, сәулет, құрылыс және тұрғын үй коммуналдық шаруашылық, инновациялық, индустриалдық, көліктік – логистикалық даму, кіші және орта бизнесті қолдау жөніндегі; әлеуметтік саланы дамыту, еңбекпен қамту, білім, денсаулық сақтау, тіл, туризм, спорт, мәдениет, жастар саясаты, ұлтаралық және діни қатынастар жөніндегі, жалпы саны 3 комиссия жасақталды.

Кеңес құрамында Рахманқұл.Байтелиев, Әзімхан Қилыбаев, Әбдімәжит Жүнісбеков, кеңес мүшелері Өмен Байшығашев, Жанар Орынбаева, Анар Досымбаева т.б. қаламызға белгілі азаматтар бар.

Есепті кезеңде бекітілген жоспарға сәйкес кеңестің 3 кеңейтілген отырысы өткізілді. Онда Тараз қаласының сол кездегі әкімі А.Д.Қарабалаевтың 2020 жылы атқарған жұмыстары туралы есебі; «Қаланың денсаулық сақтау жүйесінің жай-күйі, санитарлық-эпидемиологиялық ахуал, тұрғындарға фармацевтикалық қызмет көсетудің сапасы туралы»; «Тараз қаласы аумағындағы жерлерді пайдалану және қорғау жөнінде ҚР «Жер кодексі» нормаларының сақталуы туралы» мәселелер қаралды.

Қазіргі уақытта ағымдағы жылға арналған жоспарға сәйкес кеңестің кезекті отырысында қаралатын «Кәмелетке толмағандар арасындағы құқық бұзушылық пен қылмыстың алдын алу туралы» және «Тараз қалассының тұрғын үй-коммуналдық шаруашылығы саласын модернизациялаудың барысы» туралы мәселелер бойынша дайындық жұмыстары жүргізілуде.

Ағымдағы жылдың басында қала әкімінің есебін тыңдау барысында қоғамдық кеңес мүшелері қала тұрғындарын толғандырып жүрген біршама мәдени-әлеуметтік, құрылыс, тұрғын үй коммуналдық мәселелермен қатар қала экономикасын дамытуға байланысты көптеген сұрақтарға тиісті жауаптар алды. 20-ға жуық сұрақтар топтамасы және қоғамдық кеңес мүшелері тарапынан айтылған ұсыныстар мен сын ескертпелер тиісті іс шаралар белгілеу үшін қала әкімінің аппаратына жолданып, қоғамдық бақылауға алынды.

Қоғамдық кеңес медицина саласының жұмысына жүргізген мониторингтік зерделеу нәтижесін талқылау барысында қаланың денсаулық сақтау жүйесіндегі медициналық қызмет сапасының нашарлығы, тегін берілуге тиісті дәрі-дәрмектергдің қолжетімсіздігі, дәрігерлердің кәсіби біліктілігінің төмендігі, диагностикалық емдеу және профилактикалық жұмыстардың сын көтермейтіндігі, медициналық ұйымдардағы ұзақ кезектер мен көрсетілетін қызметтердің сапасыздығы азаматтарды өз қалтасынан ақша төлеп ақылы емханалардың қызметіне жүгінуге мәжбүрлейтіндігі, бұл материалдық жағдайы төмен азаматтар үшін бірқатар медициналық қызметтердің қолжетімсіздігіне себеп болып отырғандығы, ауруханалар мен емханалардың жұмысының тиімсіздігіне байланысты түсіп жатқан арыз-шағымдардың көптігі, жалпы денсаулық сақтау жүйесі туралы тұрғындар тарапынан жағымсыз пікірлер қалыптасуына себеп болып отырғандығы айтылды.

Сонымен қатар, мәселені кеңес отырысына дайындау барысында қала тұрғындарымен кездесіп, олардың ой пікірлерін тыңдап қайтқан кеңес мүшелері қаланың облыстық денсаулық сақтау саласын оңтайландыру нәтижесінде қала әкімдігінің денсаулық сақтау бөлімінің қысқартуға ұшырап, қалалық аурухана, емхана жүйелерінің тікелей облыстық басқармаға бағынышты болып қалуы сала басшылары мен қала тұрғындары арасындағы байланысты алшақтатып жібергендігі, ол өз кезегінде қаланың денсаулық сақтау жүйесінің жұмысын жақсартуға кері әсерін тигізіп отырғандығы айтылды.

Ағымдағы жылдың мамыр айында «Тараз қаласы аумағындағы жерлерді пайдалану және қорғау жөнінде ҚР «Жер кодексі» нормаларының сақталуы туралы» мәселе бойынша Қоғамдық кеңес тарапынан жүргізілген мониторингтік зерделеу және сараптамалық талдау нәтижесінде салаға жауапты лауазым иелерінің қала аумағындағы жерлерді пайдалану және қорғау жөнінде атқарып жатқан жұмыстары Қазақстан Республикасының Жер кодексімен бекітілген заңнамалық талаптарға сай еместігі анықталып, қаланың жер қатынастарын реттейтін негізгі құжаттарын, қаланың бас жоспарын, жер шекараларын, қала маңы аймақтарын белгілеу жұмыстары жоспарлы түрде жүргізілмейтіндігіне, салаға жауапты лауазым иелері өз міндеттерін атқаруда көптеген келеңсіздіктерге жол беріп отырғандығына көз жеткізіп, қызметтік міндеттерін орындауда жіберген кемшіліктері үшін кінәлі тұлғаларды жауапкершілікке тарту жөнінде қала әкіміне ұсыныс енгізілді.

Кеңес отырысында қаралған аталмыш екі мәселе бойынша қабылданған қарардың орындалу барысын ағымдағы жылдың III-тоқсанында кеңестің ауыл шаруашылығы, жер қатынастары, сәулет, құрылыс және тұрғын үй коммуналдық шаруашылық, инновациялық, индустриалдық, көліктік – логистикалық даму, кіші және орта бизнесті қолдау жөніндегі және әлеуметтік саланы дамыту, еңбекпен қамту, білім, денсаулық сақтау, тіл, туризм, спорт, мәдениет, жастар саясаты, ұлтаралық және діни қатынастар жөніндегі комиссиялардың отырыстарында қарау жоспарға енгізілген.

Ағымдағы жылдың басынан бері Қоғамдық кеңестің төралқа отырыстарында атқарушы органдардың 8 нормативтік-құқықтық актілерінің жобалары қаралды. Онда «Тараз қаласының бірқатар құрамдас бөліктеріне атау беру және қайта атау туралы» «Тараз қаласы бойынша коммуналдық қалдықтардың түзілу және жинақталу нормалары және тұрмыстық қатты қалдықтарды жинауға, әкетуге, кәдеге жаратуға арналған тарифтерін бекіту туралы»; «Тараз қаласы бойынша әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Қағидаларын бекіту туралы»; «2021-2023 жылдарға арналған қалалық бюджет туралы»; «Жолаушылар мен багажды қалалық қатынастарда автомобильмен тұрақты тасымалдауға сараланатын тарифті белгілеу туралы»; «Тараз қаласында мүгедектер қатарындағы кемтар балаларды жеке оқыту жоспары бойынша үйде оқытуға жұмсаған шығындарын өндіріп алу мөлшерін және тәртібін айқындау туралы» «2021-2023 жылдарға арналған қалалық бюджетке өзгерістер мен толықтырулар енгізу туралы» қала әкімінің қаулылары мен мәслихат шешімдерінің жобалары талқыланып, қаралған құжаттар бойынша атқарушы мемлекеттік органдардың басшыларына 12 ұсыным берілді.

Кеңестің төралқа мүшелері атқарушы билік тарапынан ұсынылған әрбір құқықтық нормативтік актілер бойынша білікті мамандардың пікіріне жүгіне отырып, жан-жақты сараптамалық талдаудан өткізген соң ғана өз ұстанымын білдіруге тырысады.

Қоғамдық кеңестің комиссияларының ұйымдастырушылық іс-қимылдарының нәтижесінде күнделікті практикалық жұмысымызда –заңның және заң күші бар басқа да құжаттар талаптарына сәйкестендірілген іс-шаралардың басты бағыттары мен әлеуметке аса тиімді жақтары ойластырылып, олар өз кезегімен жүзеге асырылуда. Мысалы кеңес комиссияларының отырыстарында Тараз қаласы әкімі аппаратының азаматтардың хал актілерін тіркеу (АХАТ) бөлімшесінің «мемлекеттік көрсетілетін қызметтер туралы» Заң талаптарына сәйкес атқарып жатқан жұмыстары туралы есебі; Тараз қаласы әкімдігінің ауыл шаруашылығы бөлімінде «мемлекеттік көрсетілетін қызметтерді көрсету мерзімдерінің сақталуы туралы есебі; «Қала аумағындағы қалдықтар полигиондары және өндірістік қалдықтарды, сарқынды суларды залалсыздандыру жұмыстары туралы» т.с.с. мәселелермен қатар жергілікті атқарушы органдар ұсынған құжаттар қоғамдық кеңес комиссияларының талқылауларынан өткізіліп, олар жөніндегі көпшіліктің ой пікірлері мен ұсыныстары үнемі назарға алынып отырады.

Тараз қалалық қоғамдық кеңесі «Nur Otan» партиясының «Өзгерістер жолы: әр азаматқа лайықты өмір!» атты Сайлауалды бағдарламасысын Тараз қаласында іске асыру бойынша әзірленген Жол картасына енгізілген нысандардың құрылысына партиялық және қоғамдық бақылау жүргізу үшін «Nur Otan» партиясы Жамбыл облыстық филиалы жанындағы жұмыспен қамтуды және халықтың әлеуметтік осал топтарын қолдау жөніндегі аймақтық қоғамдық кеңестің бастамасына Тараз қалалық Қоғамдық кеңес атсалыса отырып, партияның депутаттық фракциясы мен қалалық Қоғамдық кеңес мүшелерінен бірлескен мониторингтік топтар құрылып, ағымдағы жылдың шілде айында қала аумағында құрылысы жүргізіліп жатқан 2 мектептің, 38 тұрғын үйдің, барлығы 43 көшеге төселіп жатқан 30 шақырым жолдың құрылысына, 68 көппәтерлі тұрғын үйлердің аулаларындағы абаттандыру жұмыстарының барысына қалалық мәслихат депутаттарымен, жергілікті мемлекеттік органдардың қызметкерлерінің қатысуымен бірнеше рейдттер ұйымдастырды.

Рейд барысында бірнеше құрылыс нысандарында «Мемлекеттік сатып алу туралы» заңнамасының және құрылыс мерзімін, құрылыс нормаларын сақтауға байланысты заң талаптарын бұзушылықтарға жол беріліп жатқандығын анықтап, тиісті құзырлы органдарға шара қолдану үшін ұсыныстар айтылды.

Одан бөлек кеңес мүшелері қала әкімі бекіткен мониторингтік топтардың құрамында коронавирус індетінің таралуына қарсы өткізіліп жатқан рейдтерге қатысуда.

Қоғамдық кеңес шешілмей жатқан мәселелер бойынша бой көрсетіп қалатын психологиялық ахуалды жақсартуға бағытталған іс-шараларды өзіне заңмен белгіленген өкілеттіктер шегінде орындап жатыр, алдағы уақытта да әлеуметтік топтар немесе жекелеген азаматтар тарапынан көтерілген барлық ұсыныс-тілектер кеңестің бақылауында болады.

Қоғамдық кеңес қызметінің ашықтығы мен жұмысының жариялылығын арттыру мақсатында есепті кезеңде облыстық «Ақ Жол», «Знамя труда», «Жамбыл-Тараз», «Ауыл-Аймақ» газеттерінде 9 мақала жарияланды, «Қазақстан-Тараз» және «77»телеарналарында 6 хабар көрсетілді.