Атырау облыстық Қоғамдық кеңесінің Сыбайлас жемқорлыққа қарсы қоғамдық бақылау, құқық қорғау мәселелері жөніндегі комиссиясы зағип жандармен кездесті

---

Ағымдағы жылдың 2 қарашасы күні жергілікті телеарнадан (Caspian news) «Қазақ соқырлар қоғамы» ҚБ-нің мүшелері бірлестік басшылығының жұмысына көңілдері толмайтындығын, сондай-ақ, демеушілік қаражатты үлестіру барысында жемқорлық фактілерінің болуы ықтималдығына шағымданған болатын. Бұл жайт Атырау жұртшылығы арасында резонанстық жағдай қалыптастырып, барлық Қоғамдық бірлестіктердің қызметіне деген сенімсіздік тудырды. Осы орайда комиссия Атырау қаласындағы Құрманғазы атындағы мәдениет сарайында зағип жандармен кездесу өткізді. Кездесуге  Сыбайлас жемқорлыққа қарсы іс-қимыл агенттігінің Атырау облысы бойынша департаменті басшысының бірінші орынбасары Н.Жахин қатысты.       

 «Қоғамдық кеңестің, Сыбайлас жемқорлыққа қарсы қоғамдық бақылау, құқық қорғау мәселелері жөніндегі комиссиясының мақсаты халық пен жергілікті атқарушы органдар арасында оңтайлы байланыс орната отырып, қоғамдағы түйіткілді мәселелердің тиімді шешілуіне атсалысу.  Қоғамдық кеңес тексеру органы емес, шара қолданып, жазаға тарту біздің міндетке жатпайды. Керісінше сол заң бұзушылықты болдырмау, алдын алу, сыбайластық пен адам құқықтарының бұзылу фактілеріне жол бермеу. Бүгінгі жиынымыздың да негізгі мақсаты осы»- деп бастады кездесу жиынын комиссия төрағасы Асхат Сәлімұлы Иманғалиев.

Кездесуде «Қазақ соқырлар қоғамы» ҚБ Атырау облысы бойынша төрағасы А.Абдешов, бас кеңсе Астана қаласында орналасқанын, бұл ұйым өңірлік филиал екендігін, сондықтан барлық әкімшілік басқару жұмыстары, ғимараттан бастап теңгерімдегі барлық негізгі капитал орталықтан басқарылатынын, өңірлік филиалдарға орталықтан жыл сайын тоқсанына 1 мәрте шаралар ұйымдастыруға жеткілікті қаражат бөлінеді. Оның есебін толықтай ұсына алатынын, басқа да қаржы процесстері толықтай орталықтағы бухгальтерлер, яғни Астана арқылы жүргізілетіндігін, жұмыс уақытында бірлестік мүшелері үшін есігі әрқашан ашық екендігін, сондықтан айтылған сын-пікірлер мен айыптаулар шындыққа жанаспайтынын айтып өтті.

Зағип жандар тікелей сұрақтарына жауаптар алды.  

          «Бұл жиынға дейін бірлестік басшылығы мен мүшелері үстел басына жиналмаған, диалог орнатылмаған. Сондықтан біздің мақсат екі тарапты ымыраға келтіріп, мәселенің анық қанығын айқындау.     Телеарнадан көрсеткендей жемқорлық фактілері ықтималдығының бар, жоғына көз жеткізу. Сол үшін де арнайы құрылым өкілдерін шақырып отырмыз. Бүгінгі айтылғандардың негізінде өз тарапымыздан ұсынымдар әзірлеп жолдайтын боламыз»-деді Асхат Сәлімұлы.

  Кездесу қорытындысымен, бірлестік жұмысында ашықтық пен өзара ынтымақтастық орнату бағытында жұмыстар жүргізу, жергілікті демеушілерден келіп түскен көмек қаражаттарды қабылдау процессін заңдастыру жолдарын қарастыру, Сыбайлас жемқорлыққа қарсы іс-қимыл агенттігінің Атырау облысы бойынша департаментіне    бірлестік  жұмысында сыбайлас жемқорлықтың алдын алу бағытында консультациялық қолдау шараларын алу ұсынылды.

Атырау облыстық Қоғамдық кеңесі

Файл не загружен

Общественный совет: Атырау облысының қоғамдық кеңесі